مەزلووم عەبدی و شاندەکا ئەنەکەسێ کۆم بوون

مەزلووم عەبدی و شاندەکا ئەنەکەسێ کۆم بوون

WAAR-دهۆك:

فەرماندارێ گشتی یێ ھێزێن سووریایا دیمۆکرات، ھەسەدێ ل گەل شاندەکا ئەنجوومەنا نشتیمانی یا کوردی ل سووریێ، ئەنەکەسێ کۆم بوو و مەرج و داخوازیێن خوە ل دۆر مژارێن سیاسی و سەربازی پێشکێشی ھەڤ کرن.
عەبدولکەریم میرانی، سەرۆکێ نوونەراتییا ئەنەکەسێ ل ھەرێما کوردستانێ تایبەت بۆ وار راگه‌هاند: د کۆمبوونا د ناڤبەرا ھەسەدێ و ئەنەکەسێ دا، ھەردو ئالییان مەرج و داخوازیێن ھەڤدو ل دۆر مژارێن سیاسی و سەربازی پێشکێشی ھەڤ کرن و دیار کرییە کو ھەردو ئالی دێ راوێژێ ل گەل سەرکرداتیێن خوە کەن و د دەمێن بھێن دا بەرسڤا ھەڤدو دەن.
دا زانین ژی، ھەر د کۆمبوونێ دا دانوستاندن ل دۆر میکانیزم و چاوانییا لھەڤنێزیکبوونا پارتی و ئالییێن سیاسی یێن کوردستانی دا، هه‌روه‌ها باس ل چاوانییا بھێزکرنا ئێکرییزییا کوردان ل رۆژئاڤایێ کوردستانێ کریە.
ل گۆره‌ى زانیارییێن وار کۆمبوونا مەزلووم عەبدی و سەرکرداتییا ئەنەکەسێ ل قامشلۆ ھاتە کرن.
جھێ ئاماژە پێدانێ یە کو نڤیسینگەها پەیوەندییان یا ھەسەدێ ب سەرپەرشتییا مەزلووم عەبدی کۆمیتەیەک ژ بۆ نێزیکرنا ھەسەدێ و تەڤدەمێ ژى پێک ئینایە.

بابه‌تێن ب ڤێ مژارێ ڤه‌ گرێدای