مێركل: نه‌شێن چاڤێن خوه‌ ل بكارئینانا چه‌كێ كیمیایی بگرین

مێركل: نه‌شێن چاڤێن خوه‌ ل بكارئینانا چه‌كێ كیمیایی بگرین

WAAR-دهۆك:

شیره‌تكارا ئه‌لمانیا پشته‌ڤانییا خوه‌ بۆ چاره‌كرنا پرسا سووریا ب رێیا سیاسی دیار كر و راگه‌هاند: ئه‌و نه‌شێن چاڤێن خوه‌ ل بكارئینانا چه‌كێ كیمیایی بگرن.
ئه‌نگێلا مێركل، شیره‌تكارا ئه‌لمانیا د گۆتارا خوه‌ یا روونشتنا په‌رله‌مانێ وه‌لاتێ خوه‌ “بۆندستاگ”ی دا ده‌رباره‌ی ره‌وشا باژارێ ئدلبێ و به‌رهه‌ڤییێن سوپایێ سووریا بۆ ئۆپه‌راسیۆنا سه‌ر وی باژاری گۆت: تاكه‌ رێ بۆ چاره‌كرنا پرسا سووریا پرۆسه‌یا سیاسی یه‌ و به رلین پشته‌ڤانییێ ل وێ پرۆسه‌یێ دكه‌ت، د هه‌مان ده‌می دا ئه‌و نه‌شێن چاڤێن خوه‌ ل بكارئینانا چه‌كێ كیمیایی و بنپێكرنا یاسایێن نێڤده‌وله‌تى بگرن.
به‌ریا نها وه‌زیرا به‌رگریا ئه‌لمانیا ئۆرسولا ڤان دێر لاینی د داخویانییه‌كا رۆژنامەڤانی دا هۆشداری ده‌رباره‌ی بكارئینانا چه‌كێ كیمیایی دابوونه‌ رژێما سووریا و گۆتبوو: ئه‌لمانیا بكارئینانا چه‌كێ كیمیایی ب هه‌ر به‌هانه‌كی قه‌بوول ناكه‌ت و گه‌ر رژێما به‌شار ئه‌سه‌دی ئه‌و جورێ چه‌كی د ئۆپه‌راسیۆنا ئدلبێ دا بكار ئینا دبیت وه‌لاتێ وێ ژی پشكدارییێ د لێدانا ئارمانجێن سوپایێ دا بكه‌ت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.