مێركلێ پشته‌ڤانی بۆ بزاڤێن دیالۆگا ئیران و ئه‌مریكا دیاركر

مێركلێ پشته‌ڤانی بۆ بزاڤێن دیالۆگا ئیران و ئه‌مریكا دیاركر

WAAR-دهۆك:

مێركلێ پشته‌ڤانی بۆ بزاڤا فره‌نسا ژبۆ ئاسانكرنا دیالۆگێ د ناڤبه‌را ئیران و ئه‌مریكا دا دیار كر.
ئه‌نگێلا مێركلێ ئه‌ڤرۆ گۆت: بزاڤێن ئیمانوێل ماكرۆن سه‌رۆكێ فره‌نسا بۆ رێخوه‌شكرنا گۆتوبێژان د ناڤبه‌را ته‌هران و واشنتۆنێ دا جهێ ده‌ستخوه‌شیێ نه‌ و بزاڤێن دپلۆماسی گرنگیه‌كا مه‌زن هه‌نه‌.
مێركلێ خویا كر، پێدڤیه‌ هه‌می ئه‌گه‌رێن په‌یوه‌ندییان بهێنه‌ جه‌رباندن بۆ رێگرتنێ ل ئالۆزتربوونا ره‌وشا د ناڤبه‌را ئیران و ئه‌مریكا دا و بۆ وێ مه‌ره‌مێ ئه‌و ل گه‌ل سه‌رۆكێ ئه‌مریكا دا ئاخڤتیه‌.
ژ ئالییه‌كێ دی ڤه‌ مێركلێ ره‌خنه‌ ل ترامپی گرتن كو هێرشی سێ ئه‌ندامێن ژین یێ كۆنگرێسێ ئه‌مریكا كرییه‌ ل سه‌ر بنه‌ره‌تێ وان و گۆت: هێزا ئه‌مریكا ژ جیاوازییا خه‌لكێ وێ یه‌، ئه‌و هه‌لوه‌ستێ ترامپی هزرا وێ ل سه‌ر ئه‌مریكا دگوهریت.
ل پار سال ئه‌مریكا خوه‌ ژ رێككه‌فتنا ئه‌تۆمی یا ئیرانێ ڤه‌كێشا و ژ وی ده‌می تا نها ئالیێن دی یێن رێككه‌فتنێ كو ئه‌لمانیا ژی ل گه‌له‌ بزاڤا پاراستنا رێككه‌فتنێ دكه‌ن.

بابه‌تێن ب ڤێ مژارێ ڤه‌ گرێدای