مۆگێرینی: كرایمیا یا ئوكراینایه‌

مۆگێرینی: كرایمیا یا ئوكراینایه‌

WAAR-دهۆك:

وه‌زیرێ كارێن ده‌رڤه‌ یا ئێكه‌تییا ئه‌ورۆپا ئه‌ڤرۆ راگه‌هاند، نیڤگراڤا كرایمیا ئاخا ئوكراینایه‌ و رۆسیا ب نه‌قانوونی ده‌ست ب سه‌رداگرتییه‌.
فێدێریكا مۆگێرینی د سالڤه‌گه‌را 5ێ یا ده‌ستبسه‌رداگرتنا كرایمیا ژ ئالیێ رۆسیا ڤه،‌ دوپات كر كو هه‌رێما كرایمیا هه‌رێمه‌كا ئوكراینیه‌ و ده‌ستهه‌لاتا رۆسیا ب ره‌نگه‌كێ نه‌قانوونی ئێخستییه‌ سه‌ر ب سنۆرێ ده‌وله‌تا خوه‌ ڤه‌.
مۆگێرینی ژ مۆسكۆ خواست ده‌ریاڤانێن ئوكرانی یێن زیندانكری ئازاد بكه‌ت و هۆشداری دان كو زێده‌كرنا چالاكیێن سه‌ربازی ژ ئالیێ رۆسیا ڤه‌ ل ده‌ریا ره‌ش كاریگه‌رییه‌كا خراب ل سه‌ر ئاساییشا وێ ده‌ڤه‌رێ هه‌یه‌.
هه‌روه‌ها گۆت ژی: ئه‌ورۆپا پشته‌ڤانیه‌كا ته‌مام ل سه‌روه‌ری و ئێكگرتوویا ئوكراینا دگریت و ب هه‌می باوه‌رییا خوه‌ دبێژیت كرایمیا ئاخا ئوكراینایه‌.

بابه‌تێن ب ڤێ مژارێ ڤه‌ گرێدای