مۆنیتۆر: ئەو کەسێ ل ھەولێرێ ھاتیە کوشتن بەرپرسەکێ میتێ بوو

مۆنیتۆر: ئەو کەسێ ل ھەولێرێ ھاتیە کوشتن بەرپرسەکێ میتێ بوو

WAAR-دهۆك:

پێگەھێ ئەلمۆنیتۆر یێ ئەمریکی ئاشکرا کر، دبلۆماتکارێ تورک یێ رۆژا چارشەمبییا بۆری د خوارنگەھەکا ھەولێرێ ڤە ھاتییە کوشتن، جێگرێ کونسلی نەبوو، بەلکو بەرپرسەکێ میتێ بوو و چەندین ئەرک د کونسلخانەیا تورکیا ڤە بجھئیناینە.
پێگەھێ ئەلمۆنیتۆر یێ ئەمریکی ئاشکرا کر، پشکدارییا وەزیرێن دەرڤە و ناڤخوە و بەرگریێ و سەرۆکێ دەزگەھێ ھەوالگیریا تورکیا میتێ د ڤەشارتنا تەرمێ ئۆسمان کۆسەی دا، گرنگییا وی بەرپرسێ تورک دیار دکەت.
ئەلمۆنیتۆر ژ زارێ بەرپرسەکێ تورکیا ئاشکرا کر، ئۆسمان کۆسە ئەندامێ میتێ بوو و پێشتر ل ئیرانێ ژی کار کرییە و بۆ دەمێ 6 مەھان چەند ئەرک ل کونسلخانەیا تورکیا ل ھەولێرێ بجھئیناینە.
ژێدەری بۆ مۆنیتۆر ئاخفتی ب دوور زانی کو ئەو تەقەکرن ژ بەر پرسەکا سیاسی بیت، ژبەرکو کەس ب وی شێوەیێ سادە و ل ‌بەر چاڤکێن کامیرێن چاڤدێریێ کارەکێ وەسا ناکەت.
ل گۆرەی راپۆرتا پێگەھێ ئەمریکی، ئۆسمان کۆسە د گەل ھەڤپشکێن خوە یێن بازرگان د وێ خوارنگەھێ ڤە روونشتی بوو و کارێ وان چو پەیوەندی ب کونسلخانەیا تورکیا ڤە نەبوویە.

بابه‌تێن ب ڤێ مژارێ ڤه‌ گرێدای