مۆزیك گه‌فا ‌که‌ڕبوونێ ل ملیاره‌ها که‌سان دکه‌ت

مۆزیك گه‌فا ‌که‌ڕبوونێ ل ملیاره‌ها که‌سان دکه‌ت

وار – دهۆک :

د ڤه‌کۆلینه‌کا نوو یا رێکخراوا ته‌ندروستی یا نێڤده‌وله‌تی دا WHO، ل رۆژا ئه‌ینی به‌لاڤبوویه‌، دیارکرییه‌‌ کو هه‌ستێ گۆهلێبوونێ ل جه‌م زێده‌تر ژ ملیار سنێله‌یان ل سه‌رانسه‌ری جیهانێ ل بن گه‌ڤا که‌ڕبوونێیه‌ ژ سه‌ده‌مێ گۆهدانا مۆزیکێ ب ده‌نگێ بلند ب رێکا ئامیڕێن که‌سۆکی مینا تێله‌فۆنێن ژیر.
داتایێن ڤه‌کۆلینێ ئاماژه‌ دا وێ چه‌ندێ کو 50% ژ که‌سێن ژیێ وان دناڤبه‌را 12 تا 35 سالان دا ل وه‌لاتێن داهات به‌رز و ناڤنجی، مۆزیکا ده‌نگ بلند گۆهداری دکه‌ن ب رێکا ئامیرێن که‌سۆکی یێن ژیر، و 40% ژ وان ڤێ ره‌فتارێ ب کاردئینن ل یانه‌یێن شه‌ڤێ و ئاهه‌نگ و ل ناڤا چالاکیێن وه‌رزشی‌ دا.
ل دووڤ ستانداردێن رێکخراوا ته‌ندروستییا نێڤده‌وله‌تی ئاستێن مه‌ترسیدار یێن ده‌نگی کو کارتێکرنێ ل سه‌ر هه‌ستێ گۆهلێبوونێ دکه‌ن ده‌ستپێدکه‌ن ل ئاستێ گۆهدانێ ب هێزا 85 ده‌سیبێل بۆ ماوه‌یێ 8 ده‌مژمێران یان ژی 100 ده‌سیبێل بۆ ماوه‌یێ 15 خۆله‌کان.
هه‌روه‌سا ئاماران ئاماژه‌ دایه‌ وێ چه‌ندێ کو ژ ده‌ستدانا گۆهلێبوونێ د‌هێته‌ هژمارتن سێیه‌مین ئارێشه‌یا ساخله‌می یا به‌ربه‌ڵاڤ ل ویلایه‌تێن ئێکگرتی وه‌ک نموونه‌، هه‌روه‌کی د راپۆرتان دا دیارکری کو پتر ژ 36 ملیۆن ئه‌مریکی که‌ڕبووینه‌.
ژێده‌ر:
http://www.skynewsarabia.com/web/article/728942/

بابه‌تێن ب ڤێ مژارێ ڤه‌ گرێدای