مورینیۆ: ده‌ركه‌ڤتنا مانچسته‌ر یۆنایتدێ ژ چامپیونز لیگێ نه‌ تشته‌كێ نوویه‌

مورینیۆ: ده‌ركه‌ڤتنا مانچسته‌ر یۆنایتدێ ژ چامپیونز لیگێ نه‌ تشته‌كێ نوویه‌

WAAR-دهۆك:

جوزێ‌ مورینیو راهێنه‌رێ‌ یانه‌یا مانچسته‌ر یۆنایتدێ‌، پشتی ده‌ركه‌ڤتنا تیما وی ژ قۆناغا 16 یا چامپیۆنز لیگێ‌ داخویانیێن سه‌یر وه‌كو پشكه‌ك ژ كه‌سایه‌تییا وی یا سه‌یر به‌لاڤكرن . مورینیو دبێژیت، به‌ری نها دوو جاران لسه‌ر ڤێ‌ كورسیكێ‌ روونشتی مه‌ به‌رامبه‌ر پورتۆ و به‌رامبه‌ر ریال مه‌دریدێ‌ و هه‌ردوو جاران من مانچسته‌ر یۆنایتد دیت ژ چامپیۆنز لیگێ‌ ده‌ردكه‌ڤیت، ژبه‌ر ڤێ‌ چه‌ندێ‌ نابینم ئه‌ڤ ده‌ركه‌ڤتنه‌ تشته‌كێ‌ نوو بیت بۆ مانچسته‌ر یۆنایتدێ‌، زێده‌تر مورینیوی گوت: سوبه‌ رۆژه‌كا دی یه‌ و رۆژا شه‌مبی ب یارییه‌كا دی ل پێشییا مه‌یه‌ و مه‌ ده‌م بۆ گێرانا چیرۆكێن دراماتیكی نینه‌ . دبه‌رامبه‌ر دا راهێنه‌رێ‌ یانه‌یا سیڤیلیا ڤینچێنزو مونتێلای دیاركر، شه‌ڤه‌كا نموونه‌ بوو، و سوپاسییا جه‌ماوه‌رێ‌ سیڤیلیا لسه‌ر پشته‌ڤانیكرنا وان لیاریگه‌ها ئۆلد ترافۆردێ‌ كر، و زێده‌تر ئاشكراكر وان یارییه‌كا باش كر و وسام بن یه‌دری ئاراسته‌یێ‌ یارییێ‌ گوهارت و جوداهی په‌یداكر. دهێته‌ زانین هه‌ردوو گۆلێن سیڤیلیا برێكا وسام بن یه‌دری هاتنه‌ تۆماركرن، و رۆمێلو لۆكاكوی گۆلا مان یۆنایتد تۆماركر، و دبیته‌ جارا ئێكێ‌ دماوێ‌ 60 سالێن بۆری دا سیڤیلیا دگه‌هیته‌ قۆناغا چارێك داوییێ‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.