موراد قەرەیلان: شەرێ عەفرینێ دێ کەڤیتە قۆناغەکا نوو

موراد قەرەیلان: شەرێ عەفرینێ دێ کەڤیتە قۆناغەکا نوو

WAAR-دهۆك:

ئەندامێ کۆمیتەیا رێڤەبرنا پارتییا کارکەرێن کوردستانێ پەکەکێ راگەھاند؛ قۆناغەکا نوو یا شەری دژی سوپایێ تورکیا ل عەفرینێ دێ دەست پێ کەت.
موراد قەرەیلان بۆ ئاژانسەکا نێزیک پەکەکێ راگەھاند؛ گەر سوپایێ تورکیا بگەھیتە ناڤا عەفرینێ، رامانا وێ سەرکەفتن نینە، بریارا چوولنەکرنا عەفرینێ ژی ژ ئالییێ سەرکردایەتییا یەپەگێ ڤە، بریارەکا مەزنە و شەر دێ کەڤیتە قۆناغەکا نوو.
ل دۆر بێدەنگییا جڤاکا ناڤدەولەتی ژی ل سەر ھێرشا سوپایێ تورکیا، قەرەیلان گۆت: ئەو بێدەنگی بێ وژدانییە، نھا دەولەتا تورکیا بەرمایکێن داعشێ و نوسرە یێن یەپەگێ ئەو ژناڤبرین، کۆم دکەتەڤە و شەرێ یەپەگێ پێ کەت.
ل دۆر ھەلوەستێ رژێما سووریێ و ئیرانێ ژی قەرەیلانی ئاشکرا کر، ھەردو وەلاتان ھێرشا تورکیا ل سەر عەفرینێ قەبوول کرییە، رژێما سووریێ ژی تا نھا د نیازێن رۆسیا و تورکیا نەگەھشتیە، کو رۆسیا دخوازیت ئەردۆغانی بکەتە ھەڤپەیمانێ خوە و ب ھەڤرا چارەنڤیسێ سووریێ دیار بکەن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.