مه‌ی حه‌ریری بو وارمیدیا : كورد گه‌له‌كێ جوان و هونه‌ر پاقژه‌

مه‌ی حه‌ریری بو وارمیدیا : كورد گه‌له‌كێ جوان و هونه‌ر پاقژه‌

مه‌ی حه‌ریری هونه‌رمه‌ندا لبنانی كو خودان چه‌ندین به‌رهه‌مێن هونه‌ری یه‌ و دگه‌ل چه‌ندین هه‌لبه‌ستڤان و موزیكژه‌ن و ده‌رهێنه‌رێن به‌رنیاس كاركریه‌ ، و هه‌ڤژینا به‌رێ یا هونه‌رمه‌ندێ وه‌غه‌ركری ملحم به‌ره‌كاتی بو ، و دنها دا به‌رهه‌ڤییان بو دروستكرنا سترانه‌كێ ب دیالێكتا مه‌غربی دكه‌ت دئێنترڤیویه‌كێ دا به‌حسێ كوردستانێ و داوی نووچه‌یێن خوه‌ دكه‌ت …

دیدار : داریان سعید
پ/ چه‌وا مه‌ی حه‌ریری خوه‌ بو جه‌ماوه‌ری دده‌ته‌نیاسین ؟
ئه‌ز كه‌سه‌كم باوه‌ری هه‌یه‌ كو هونه‌ر نامه‌یه‌ و دڤێت ب رێكا مروڤایه‌تیێ ئه‌ڤ نامه‌ بهێته‌ گه‌هاندن ، داكو باشیێ و جوانی و ئاشتیێ دناڤ جیهانێ دا بچینیت .
پ / ئه‌و چ گرنگترین وێستگه‌هن دژیانا ته‌ دا ، یا تایبه‌ت و یا هونه‌ری ؟
گرنگترین وێستگه‌ه دژیانا من یا تایبه‌ت دا دبیت هه‌ر یا گرێدایی ژیانا من یا هونه‌ری ژی بیت ژبه‌ركو هه‌ڤژینیا من ژ هونه‌رمه‌ندێ وه‌غه‌ركری ملحم به‌ره‌كات لسه‌ر ئاستێ كه‌سایه‌تی و هونه‌ری ژ بالانسێ من یێ هونه‌ری زێده‌كر و و تا نها ئه‌ز یا به‌رده‌وامن و ب چه‌ندین دیالێكت و زامانا ستران گوتینه‌ ژ وان باكستانی و مه‌غربی و بو جه‌ماوه‌ری خوه‌ ل كوردستانێ ژی دیاركه‌م دبیت ب كوردی ژی سترانا بێژم كو ئه‌ڤه‌ جهێ سه‌ربلندیێ یه‌ بومن .
پ/ ژبه‌ركو هونه‌رمه‌ندێ مه‌زن ملحم به‌ره‌كات كو نها وه‌غه‌ركریه‌ هه‌ڤژینێ ته‌ بوو پێش هوون ژ هه‌ڤدوو ڤه‌بن ، ئه‌وی وه‌ك هونه‌رمه‌ند چ ل مه‌ی حه‌ریری زێده‌كر ؟
ب راستی ژی ملحم به‌ره‌كات وه‌كو هه‌ره‌مه‌كی یه‌ به‌لێ لسه‌ر پیێن خوه‌ و دهونه‌رێ عه‌ره‌بی دا وی گه‌له‌ك پێشكێشكریه‌ و گه‌له‌ك تشت نیشا من داینه‌ وه‌كو چه‌وا گوهدارییا موزیكێ ب رێكه‌كا دروست بكه‌م ، و هه‌موو ئه‌لیف و بیێن موزیكێ یێن ده‌ستپێكێ من ب رێكا وی زانینه‌ و ئه‌ز هه‌رده‌م دان بڤی تشتی دكه‌م .
پ/ سوشیال مه‌دیا دنها دا هاریكاره‌ بو هونه‌رمه‌ندی یان ژی زه‌ره‌را وێ پتره‌ ؟
سوشیال مه‌دیا وه‌كو شیره‌كێ دوو سه‌ره‌ گه‌له‌ك هاریكاره‌ وه‌ك پره‌ك دناڤبه‌را هونه‌رمه‌ندی و جه‌ماوه‌ری وی دا به‌لێ گه‌له‌ك جاران كه‌سان هه‌نه‌ چ هونه‌رمه‌ند بن یان كه‌سانێن نورمال بو مه‌ره‌مێن تایبه‌ت بكاردئینن كو گه‌له‌ك جاران زه‌ره‌را وێ پتر لێدهێت ژ باشییا وێ .
پ/ لسه‌ر هاتنا ته‌ بو كوردستانێ ته‌ چ هه‌یه‌ بێژی ؟
ب راستی ئه‌ز هه‌رده‌م یا تێهنی مه‌ بو دیتنا ئه‌ڤی گه‌لێ جوان و خودان هونه‌رێ پاقژ كوردستان دنها دا بوویه‌ جهێ سه‌رنجراكێشانا هه‌موو خه‌لكی و ب تایبه‌ت هونه‌رمه‌ندا و چ پێنه‌ڤێت ئه‌ز دێ سه‌ربلند بم بهێم دناڤ خه‌لكه‌كی وه‌سا ره‌وشه‌نبیر و دلڤه‌كری دا و ب ئانه‌هییا خودێ مه‌ دێ پێنگاڤێن باش هه‌بن و پروژه‌ و ئارمانجێن جوان بو كوردستانێ .

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.