مه‌سروور بارزانی: ئێكه‌تییا زانا رۆله‌كێ دیار د بزاڤا رزگاریخوازی دا گێرایه‌

مه‌سروور بارزانی: ئێكه‌تییا زانا رۆله‌كێ دیار د بزاڤا رزگاریخوازی دا گێرایه‌

WAAR-دهۆك:

سه‌رۆك وه‌زیرێن هه‌رێما كوردستانێ ئه‌ڤرۆ سالیادا دامه‌زراندنا ئێكه‌تیا زانایێن ئۆلا ئیسلامی پیرۆز كر و راگه‌هاند؛ ئه‌و ب هیڤی نه‌ ئێكه‌تیا زانا ل پێناڤێ پشتگریا زێده‌تر یا نشتیمانی هانده‌ر بن.
مه‌سروور بارزانی ئه‌ڤرۆ د په‌یامه‌كێ دا كو ب هه‌لكه‌فتا ده‌ربازبوونا 49 سالان ل سه‌ر دامه‌زراندنا ئێكه‌تیا زانایێن ئۆلا ئیسلامی په‌یامه‌ك راگه‌هاند و تێدا دیاركرییه‌، ئێكه‌تیا زانایان كو ل 21 مەها 9 سالا 1970 یێ ب رێنماییا بارزانیێ نه‌مر هاتیه‌ دامه‌زراندن، رۆله‌كێ دیار د خزمه‌تكرنا ئاینێ پیرۆزێ ئیسلامێ و بزاڤا رزگاریخوازا گه‌لێ كوردستانێ ده‌ گێرایه‌.
گۆتییه‌ ژی: شوون ده‌ستێن ئێكه‌تیا زانایان د به‌رهنگاربوونا هزرا توندره‌و و تیرۆرێ و هۆشیاركرنا جڤاكی و هه‌روه‌ها به‌لاڤكرنا په‌یاما میانره‌و دیاره‌.
مه‌سروور بارزانی ل داویا په‌یامێ زێده‌باری پیرۆزباهییا سالیادا دامه‌زراندنێ، هیڤی خواستینه‌ ئێكه‌تیا زانایان ل پێناڤێ پشتگریا زێده‌تر یا نشتیمانی هانده‌ر بن.

بابه‌تێن ب ڤێ مژارێ ڤه‌ گرێدای