مه‌سروور بارزانى: 200 پرۆژه‌یێن ستراتیجى ل هه‌رێمێ دێ هێنه‌ دروستكرن

مه‌سروور بارزانى – سه‌رۆكوه‌زیرێ هه‌رێما كوردستانێ

WAAR-دهۆك:

مه‌سروور بارزانى سه‌رۆك وه‌زیرێن هه‌رێما كوردستانێ ئه‌ڤرۆ به‌رێ بنیاتی بۆ پرۆژه‌یێ ئه‌نده‌رپاسێن جادده‌یا بارزان ل ناڤه‌ندا باژارێ دهۆكێ دانا و راگه‌هاند، ھیڤیە ئه‌ڤ پرۆژه‌یه‌ ببیته‌ ده‌ستپێكه‌ك بۆ دروستكرنا چه‌ندین پرۆژه‌یێن دى ل هه‌رێما كوردستانێ و گۆتژى، دروستكرنا ئه‌نده‌رپاسێن جاده‌یا بارزان دێ هاتووچوویا خه‌لكێ دهۆكێ و بازرگانان ئاسان كه‌ت.

هه‌ر د به‌رده‌وامیا په‌یڤا خوه‌دا سه‌رۆكوه‌زیرێ هه‌رێما كوردستانێ راگه‌هاند ژى، گۆژمه‌یێ 500 ملیار دیناران بۆ جێبه‌جێكرنا 200 پرۆژه‌یێن ستراتجى ل سه‌رانسه‌رى هه‌رێما كوردستانێ هاتینه‌ ته‌رخانكرن دیاركرژى، ئه‌و پرۆژه ‌پێكهاتینه ‌ژ رێك و پرا و دروستكرنا سایلۆیان و قوتابخانه‌و هێلێن كاره‌بێ.

 

ده‌رباره‌ى په‌یوه‌ندیێن دناڤبه‌را هه‌رێم و به‌غدا مه‌سروور بارزانى راگه‌هاند، هیڤدارین كێشه‌یێن خوه‌ دگه‌ل به‌غدا ل سه‌ر بنه‌مایێ ده‌ستوورى چاره‌بكه‌ین و گۆتژى، كێشه‌یێن مه ‌ل سه‌ر بابه‌تێن نه‌فت و غاز، بودجه‌ و ده‌ڤه‌رێن كوردستانى و پێشمه‌رگه‌ی و ئێمناهیێ نه‌.

‌لدۆر ره‌وشا رۆژئاڤایێ كوردستانێ مه‌سروور بارزانى راگه‌هاند، دلگرانین ژ وى شه‌رێ ل رۆژئاڤایێ كوردستانێ دروستبوویى هیڤیه ‌هه‌موو كێشه‌ ب ئاشتیێ بهێنه‌ چاره‌كرن و داوی ب شه‌ر و مال وێرانیان بهێت ئاماژه‌كرژى، سوپاسیا خه‌لكێ كوردستانێ ب تایبه‌ت یێن پارێزگه‌ها دهۆكێ دكه‌ین كو ده‌ر‌گه‌هێن مالێن خوه‌ بۆ په‌نابه‌رێن رۆژئاڤایێ كوردستانێ ڤه‌كرین.

بابه‌تێن ب ڤێ مژارێ ڤه‌ گرێدای