مه‌سروور بارزانى: ئێكه‌تى پابه‌ندى رێككه‌فتنێن ل گه‌ل پارتى یه‌

مه‌سروور بارزانى: ئێكه‌تى پابه‌ندى رێككه‌فتنێن ل گه‌ل پارتى یه‌

WAAR-دهۆك:

مه‌سروور بارزانى به‌ربژارێ راسپاردی بۆ پێكئینانا حكومه‌تێ گه‌هشت سلێمانییێ و پشتى كۆمبوونا ل گه‌ل شاندا ئێكه‌تییێ راگه‌هاند؛ ئێكه‌تى پابه‌ندى رێككه‌فتنێن ل گه‌ل پارتى یه‌.
ئه‌ڤرۆ سپێدێ مه‌سروور بارزانی ب سه‌رۆكاتییا شاندا دانوستاندكار یا پارتی بۆ پێكئینانا كابینه‌یا نوو گه‌هشت سلێمانییێ و د ئێكه‌م وه‌ستگه‌هـ دا دگه‌ل مه‌كته‌با سیاسی یا ئێكه‌تیێ كۆم بوو و د كۆنگره‌یه‌كێ رۆژنامه‌ڤانى دا راگه‌هاند؛ ئه‌و ژبۆ وه‌رگرتنا سیڤییێن به‌ربژارێن ئالییان هاتییه‌ سلێمانییێ و ئێكه‌تییێ ژى پابه‌ندییا خوه‌ ب رێككه‌فتنێن ل گه‌ل پارتى نیشاندایه‌ و ئه‌و گه‌شبینن، كو د ده‌مێ خوه ‌دا حكومه‌ت دێ هێت راگه‌هاندن.
ژ ئالییێ خوه‌ ڤه ‌عیماد ئه‌حمه‌د سه‌رۆكێ شاندا ئێكه‌تییێ راگه‌هاند؛ ئێكه‌تى پشكه‌كه ‌ژ حكومه‌تا نوو و دێ ل گه‌ل پارتى و هه‌موو ئالییێن دى كار بۆ حكومه‌ته‌كا بهێز كه‌ن.
پشتى كۆمبوونا ل گه‌ل ئێكه‌تییێ مه‌سروور بارزانى گه‌هشت مه‌كته‌با سیاسى یا پارتییا سوسیالیستا كوردستانێ و ژ ئالییێ محه‌مه‌دێ حاجى مه‌حموود ڤه ‌هات پێشوازى كرن و چاڤه‌رێیه‌ پشتى سوسیالیستێ، سه‌ره‌دانا ته‌ڤگه‌را گۆڕان ژى بكه‌ت.
مه‌سروور بارزانی و شاندا دانوستاندكار دوهی سه‌ره‌دانا مه‌كته‌با سیاسی یا پارتی كر و راگه‌هاند؛ كابینه‌یا نوو دێ د ده‌مێ قانوونی دا هێت پێكئینان و گۆت: گۆتوبێژ ل سه‌ر پۆستان ناهێن كرن، به‌لكو تنێ دێ سڤیێن به‌ربژاران هێن وه‌رگرتن.

بابه‌تێن ب ڤێ مژارێ ڤه‌ گرێدای