مه‌زلۆم كۆبانی: ئه‌ردۆغان داعشێ بۆ به‌رتیلكرنا جیهانێ بكاردئینیت

WAAR-دهۆك:

فه‌رماندارێ گشتی یێ هێزێن سووریا دیمۆكرات هه‌سه‌دێ ئه‌ڤرۆ سه‌رۆكێ توركیا ب وێ یه‌كێ سووچبار كر كو داعشێ بۆ به‌رتیلكرنا جیهانێ بكاردئینیت.
مه‌زلۆم كۆبانی راگه‌هاند، ئه‌ردۆغان هه‌ژماره‌كا داعشێن گرتی وه‌كی كارته‌كێ بكاردئینیت بۆ به‌رتیلكرنا جیهانێ د به‌رژه‌وه‌ندیا خوه‌ دا، هه‌سه‌دێ به‌لگه‌ هه‌نه‌ كو توركیا داعش د هێرشا خوه‌ یا ل سه‌ر باكۆرێ سووریێ دا بكارئینایه‌.
كۆبانی گۆت ژی: ژبۆ راستی و دادوه‌ریێ و راگرتنا به‌رتیلێن توركیا، پێدڤیه‌ دادگه‌هه‌كا نێڤده‌وله‌تی بۆ تیرۆرستێن داعشێ ل باكۆرێ رۆژهه‌لاتێ سووریێ ئه‌و جهێ داعشێ كرێتترین تاوانێن خوه‌ لێ كرین، بهێته‌ دروستكرن.