من ژی دڤێت بمه‌ ئه‌ندامێ‌ په‌رله‌مانی

سالار دۆسكی

حه‌ژێكرنا و وه‌رگرتنا پوستێ‌ ئه‌ندامه‌تیا په‌رله‌مانی ل ده‌ف خه‌لكێ‌ مه‌ گه‌له‌ك گرنگی یا خوه‌ هه‌یه‌، هه‌ر ئێكێ‌ دڤێت بیته‌ به‌ربژێر و بچیته‌ په‌رله‌مانی، لێ‌ بچیته‌ چێ‌؟ پرسیار ئه‌وه‌، پرسیارێ‌ ژ هه‌ر كه‌سه‌كی بكه‌ و هه‌ر كه‌سه‌ك خوه‌ ژ هه‌ژی ڤی پوستی بینت و كه‌س نابێژیت ئه‌ز بكێر ناهێم یان شولا من نینه‌، دبیت گه‌له‌ك توره‌ بووینه‌و دبن خودا ژی چووینه‌ كو نه‌بووینه‌ به‌ربژێر و هه‌تا هه‌یڤه‌كا دی ژی ناهێته‌ سه‌ر هێزا خوه‌ یا به‌رێ‌، ئه‌ڤه‌ گێله‌شوكه‌ بیرامن دو تشتا تینت، ئێك ده‌مێ‌ گه‌نجه‌كی ژن بڤێت نوزانیت پشتی پێكئینانا خێزانێ‌ چ دووڤ دا دهێت و به‌رپرساریه‌ت و جودان و په‌روه‌رده‌كرنا زارۆكان و گه‌له‌ك تشتێن دی و بتنێ‌ ئه‌و هزربكه‌ت جودبوونه‌، یا دووێ‌ ده‌مێ‌ ئه‌م زارۆك حه‌ز و مرادێن مه‌ هه‌موویان ئه‌و بوون ببینه‌ مامۆستا یان نوشدار یان ئه‌ندازیار ئه‌و ژی دا ده‌ست هه‌لاته‌كێ‌ وه‌رگرین وه‌كی مه‌ مامۆستا ب وێ‌ هه‌یبه‌تێ‌ دپولێ‌ ڤه‌ دیت گه‌له‌ك تشته‌كێ‌ مه‌زن ، من رێز بۆ هه‌ژماره‌كا به‌ربژێران هه‌نه‌، لێ‌ حه‌ز و ڤیانا به‌ربژێرێن نوكه‌ بتنێ‌ داهاته‌ و چار سالان دێ‌ شێت چه‌ند داهاتی خوه‌ زێده‌ كه‌ت و چه‌ند زێره‌ڤان و ترۆمبێله‌كا باش وه‌رگریت و جهێ‌ نێشته‌جێبوونێ‌ ل سه‌ر كیستێ‌ په‌رله‌مانی چه‌ندین گه‌شتێن ده‌رڤه‌ كه‌ت و پشتی چار سالان بهێته‌ خانه‌نشینكرن و پاشه‌رۆژا خوه‌ و زارۆكێن خوه‌ مسوگه‌ربكه‌ت، نوزانیت وێرێ‌ جهێ‌ دانانا قانوونانه‌ و كه‌سانێن بسپور و شاره‌زا دڤێن، بتنێ‌ بێژم هه‌كه‌ سوبه‌ مووچێ‌ ئه‌ندام په‌رله‌مان وه‌ك فه‌رمانبه‌ره‌كێ‌ سرۆشتی لێ‌ بهێت یان بهێته‌ سنورداركرن باوه‌ركه‌ دێ‌ شتی چاڤدێریا ئه‌زموونا لێ‌ هێت وه‌كی ناڤێن مامۆستا ده‌ركه‌ڤن كو چاڤدێریا ئه‌زموونا بكه‌ن، مامۆستا نه‌ڤێت بچن وه‌ستادكرن و ناڤێن خوه‌ بینه‌ ده‌ر چونكه‌ پاداشته‌كا لاواز و به‌رنه‌كه‌فتی پشتی ساله‌كێ‌ ده‌نه‌ مامۆستایی، هه‌كه‌ په‌رله‌مان ژی وه‌لێ‌ هات وی ده‌می ژی دێ‌ وه‌سته‌ هێنه‌گرتن به‌ز نه‌هێته‌ به‌ربژێركرن، له‌وما دبینم گرنگه‌ خوله‌كا په‌رله‌مانی چاڤ خشاندنه‌كێ‌ ل ڤی بابه‌تی بكه‌ت، چونكه‌ هێشتا گه‌له‌ك كێماسی دناڤ مه‌داهه‌نه‌ و دا ئه‌ڤ به‌رپرساتیه‌ بۆ كه‌سانێن بسپور وشاره‌زا بیت و نه‌هه‌ر كه‌سه‌ك خوه‌ ژ هه‌ژی ڤی پوستی بینت، بلا وه‌لات بهێته‌ ئاڤاكرن نه‌ ل سه‌ر كیسێ‌ خه‌لكی به‌رژوه‌ندی بهێنه‌ دروستكرن، من رێز بۆ گه‌له‌ك كه‌سێن بسپور و چالاك و خودان شیان هه‌نه‌ كو هاتینه‌ به‌ربژێركرن مه‌ باوه‌ری پێ‌ هه‌یه‌ دێ‌ شێن كارێن باش ئه‌نجام ده‌ن و سه‌ركه‌فتنێ‌ بۆ كه‌سانێن شاره‌زا و چالاك خازم.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.