منبج.. مەزنترین شانەیا داعشێ ھات دەستەسەرکرن

منبج.. مەزنترین شانەیا داعشێ ھات دەستەسەرکرن

WAAR-دهۆك:

ھێزێن ئاساییشا ناڤخوە ل باژارێ منبجێ ل باکۆرێ سووریێ راگەھاند؛ ھێزێن وان مەزنترین شانەیا داعشێ ل وێ دەڤەرێ دەستەسەرکریە.
ژێدەرەکی ژ ھێزێن ناڤخوەیێن منبجێ یێن سەر ب ھێزێن سووریا دیمۆکرات ھەسەدێ ڤە راگەھاند؛ ھێزێن وان شیاینە شانەیەکا داعشێ یا ژ ھەژدە کەسان پێکھاتی و حەفت ژ وان ژنن، ل باژارکێ منبجێ ل رۆژھەلاتێ حەلەبێ دەستەسەر بکەن.
ئاشکرا ژی کر، ئەو شانە مەزنترین شانەیا رێکخستنا تیرۆرستییا داعشێ یە و ھەژمارەکا تاوانا ل وێ دەڤەرێ کرینە، کەسەک ب ناڤێ ئەبو مستەفا سەرکێشیا وێ شانێ دکەت.
پشتی ژناڤچوونا خیلافەتا داعشێ ل ئیراقێ و سووریێ، شانەیێن ڤەشارتی یێن وێ رێکخستنێ چالاکیێن خوە ل وان دەڤەران دژوار کرینە و ب دەھان کەسێن سەربازی و سڤیل کرینە قوربانی.

بابه‌تێن ب ڤێ مژارێ ڤه‌ گرێدای