مسر: رێکارێن تورکیا یێن تاكئالی دێ ئالۆزییان زێدە کەن

مسر: رێکارێن تورکیا یێن تاكئالی دێ ئالۆزییان زێدە کەن

WAAR-دهۆك:

مسرێ دلگرانییا خوە ژ لێگەریانا تورکیا ل پەترۆلێ د سنۆرێن دەریایی یین قوبرسێ دا دیار کر و ئەو رێکارە ب تەکئالی بناڤ کرن.
وەزارەتا دەرڤە یا مسرێ د بەیانەکێ دا ل دۆر ئالۆزییێن د ناڤبەرا تورکیا و قوبرسێ دا ل دۆر مافێن لێگەریانا پەترۆلێ د رۆژھەلاتێ دەریایا ناڤەراست دا، راگەھاند: ئەو ب دلگرانی ل راگەھاندنا لێگەریانێ ل پەترۆلێ ژ ئالییێ تورکیا ڤە ل دەڤەرا ئابۆری یا قوبرسی د دەریایا ناڤەراست دا ل رۆژھەلاتێ دەریایا ناڤەراست، دنێرن.
ھەروەسا گۆت: پێدڤییە ئالۆزی نەھێن کوورکرن و رێز و پێگری ب یاسایێن نێڤدەولەتی ھەبیت و رێکارێن تورکیا یێن تەکئالی ل رۆژھەلاتا دەریایا ناڤەراست دێ بنە سەدەما زێدەکرنا ئالۆزی و نەئارامییان ل دەرڤەرێ.

بابه‌تێن ب ڤێ مژارێ ڤه‌ گرێدای