مسر: داخویانییێن ئەردۆگانی نە ل وێ ئاستێ نە بھێن بەرسڤدان

مسر: داخویانییێن ئەردۆگانی نە ل وێ ئاستێ نە بھێن بەرسڤدان

WAAR-دهۆك:

وەزارەتا دەرڤە و جڤاتا نوونەران و چەندین پارتییێن مسرێ سەرەدەریکرنا تورکیا د گەل بوویەرا مرنا مورسی دا، شەرمزار کر و تورکیا ب هه‌ڤپه‌یمانا تاری و تیرۆرێ بناڤ کرن.
وەزارەتا دەرڤە یا مسرێ د بەیانەکێ دا راگەھاند : داخویانییێن رەجەب تەیب ئەردۆغان، سەرۆکێ کۆمارا تورکیا مایتێکرنێن نەبەرپرسانە نە د کاروبارێن مسرێ دا و دەستدرێژی نە ل سەر مافێن وێ و نە ل وێ ئاستێ نە بھێن بەرسڤدا.
هه‌روه‌سا گۆت: داخویانییێن ئه‌ردۆغانی نیشانا راستییا گرێدانا وی ب ئێخوانێن تیرۆرست و ھەمبێزکرن و بەلاڤکرنا ھزرێن تۆندرەو یێن ئێخوان و داعش و قاعیدەیێ نە.
پەیڤدارێ جڤاتا نوونەرێن مسرێ ژی گۆت: ئەردۆغان ستەمکارەکێ دکتاتۆرە کو گەلێ خوە و ھەڤرکان زیندان دکەت، تایبەت پشتی ژناڤچوونا خەونا وی یا خیلافەتێ و نھا بوویە ھەڤپەیمانێ ھێزێن شەر و تاری و تیرۆرێ.
ھیەڤپەیمانییا پارتییێن مسری ژی کو ژ چل پارتییان پێکدھێت داخویانییێن ئەردۆغانی ب درەوێن رەتکری وەسف کرن و پارتییا مسرییێن ئازادیخواز ھەوەکا بایکۆتکرنا بەرھەمێن تورکی ب ناڤێ (بەرگرییێ ژ وەلاتێ خوە بکە) دەست پێ کر و داخواز ژ مسرییان کر وێ ھەوێ بکەنە بەرسڤا خوە بۆ تورکیا.

بابه‌تێن ب ڤێ مژارێ ڤه‌ گرێدای