ماکرۆن دێ سەرەدانا ئیراق و ھەرێمێ کەت

ماکرۆن دێ سەرەدانا ئیراق و ھەرێمێ کەت

WAAR-دهۆك:

سەرۆکێ فرەنسا د چەند مەھێن بھێت دا دێ سەرەدانا ئیراق و ھەرێما کوردستانێ کەت.
کۆچکا ئیلیزێ د بەیانەکێ دا راگەھاند؛ ئیمانوێل ماکرۆن د کۆمبوونا د گەل نێچیرڤان بارزانی، سەرۆکێ ھەرێما کوردستانێ دا ل پاریسێ پێشوازی ل دەستپێشخەریا حکومەتا نوو یا ھەرێمێ بۆ دانوستاندنێن د گەل بەغدا کر و سۆز دایە بارزانی د چەند مەھێن بھێت دا سەرەدانا ئیراق و ھەرێما کوردستانێ بکەت.
ھەروەھا د بەیانا کۆچکا ئیلیزێ دا ھاتیە ژی، ماکرۆنی سۆز دایە فرەنسا ب ھەمان رەنگێ ئیراقێ، بەردەوامیێ ب دەتە پشتەڤانیا ھەرێمی ژی, تایبەت د پرسا بەرھنگاربوونا تیرۆرێ دا.
نێچیرڤان بارزانی ل رۆژا چارشەمبیێ ل سەر داخوازا پاریسێ سەرەدانا فرەنسا کریە و د گەل ئیمانوێل ماکرۆن پەیوەندیێن دوقولی باس کریە، دوھی ژی د گەل ئان ھیدالکو، سەرۆکا باژێرڤانیا پاریسێ کۆم بوویە.

بابه‌تێن ب ڤێ مژارێ ڤه‌ گرێدای