ماکرۆنی داخواز ژ تورکیا کر چالاکیێن خوە ل بەراڤێن قوبرسێ راگرن

ماکرۆنی داخواز ژ تورکیا کر چالاکیێن خوە ل بەراڤێن قوبرسێ راگرن

WAAR-دهۆك:

سەرۆکێ فرەنسا داخواز ژ تورکیا کر چالاکییێن خوە یێن نەشەرعی ل بەراڤێن گراڤا قوبرسێ راگرن، ئێکەتییا ئەورۆپا ژی دێ رێکارێن پێدڤی ل دۆر پرسێ گریتە بەر.
ئێمانوئێل ماکرۆن د کۆمبوونا وەلاتێن باشۆرێ ئەورۆپا دا ل مالتایێ راگەھاند؛ ئەو پشتەڤانییا خوە بۆ قوبرسێ و سەروەرییا وێ دوپات دکەت، داخوازێ ژی ژ تورکیا دکەت چالاکییێن خوە یێن نەشەرعی ل دەڤەرا ئابۆری یا قوبرسێ راگریت و گۆت : ئەورۆپا ھه‌مبەری وێ یەکێ لاواز نابیت.
ژ ئالییێ خوەڤە ئەلکسیس تسیبراس، سەرۆکوەزیرێن یونانێ د ھەمان کۆمبوون دا راگەھاند؛ ئێکەتییا ئەورۆپا دێ رێکارێن پێدڤی دژی تورکیا گریتە بەر ، گەر وان چالاکییان نەراگریت.
تسیبراس ئاشکرا کر، کۆمبوونا وەلاتێن باشۆرێ ئەورۆپا پشتەڤانییا خوە بۆ یونانێ دوپات کرییە، ئاریشا د ناڤبەرا تورکیا و قوبرس و تورکیا و یونانێ دا ژی، پرسەکا دو ئالی نینە، بەلکو ئاریشەیەکا ئەورۆپی تورکی یە.

بابه‌تێن ب ڤێ مژارێ ڤه‌ گرێدای