مان ستى بۆ تۆلڤه‌كرنێ به‌رامبه‌ر به‌رشه‌

مان ستى بۆ تۆلڤه‌كرنێ به‌رامبه‌ر به‌رشه‌

وار – دهۆک :

بريارة ئه‌ڤ شه‌ڤه‌ ل ده‌مژمێر 10:45 خوله‌ك دو یاریێن دى ژ قۆناغا 16ێ یا جامپۆنزلیكى دا بهێنه‌كرن، ل یاریگه‌ها خۆ یانه‌یا مانچسته‌ر ستى یا ئنلگستانى دێ مێڤاندارییا یانه‌یا به‌رشه‌لۆنا یا ئیسپانى كه‌ت، هه‌ر وه‌سان یانه‌یا یۆڤانتۆس یا ئیتالى دێ برۆسیا دۆرتمۆند یا ئه‌لمانى مێڤانكه‌ت.
مان ستى ئه‌وا ل وه‌رزێ بۆرى و د هه‌مان قۆناغ دا لسه‌ر ده‌ستێ یانه‌یا كه‌ته‌لۆنى هه‌ڤركیێن قاره‌مانیێ بجهـ هێلاى ده‌مێ ب د یاریێن چوون و هاتنێ دا ب(4-1) دۆراندى دێ هه‌موو شیانێن خۆ مه‌زێخیت ژپێ خه‌مه‌ت تۆلڤه‌كرنێ ژ یانه‌یا به‌رشه‌، هه‌ر چه‌نده‌ یانه‌یا ستى دێ یاریێ بێى شیانێن ستێرا خۆ یایا تۆرێ كه‌ت، به‌لێ یا گه‌شبینه‌ كو ب ئه‌نجامه‌كێ باش یاریێ بده‌ستخۆڤه‌ بینن، بتایبه‌ت پشتى وێ سه‌ركه‌ڤتنا مه‌زن ئه‌وا لسه‌ر یانه‌یا نیۆكاسل یۆنایتید د خولا ئنگلستانى دا ئیناى، به‌رامبه‌ر وێ یانه‌یا به‌رشه‌ ئه‌وا د دوماهیك یارییا خۆدا به‌رامبه‌ر یانه‌یا مه‌له‌گا دناڤ ئه‌ردو جه‌ماوه‌رێ خۆدا تووشى دۆراندنێ، دبیت تاراده‌كێ ده‌رۆنێ یاریكه‌ران نه‌یێ ئارام بیت كارتێكرنێ ل ئه‌نجامێ وێ بكه‌ت.
ژلایه‌كێ دویڤه‌ یاریا یۆڤانتۆس ئه‌وا ل وه‌رزێ بۆرى نه‌شیاى ژ قۆناغا كۆمان ده‌ربازى یاریێن قۆناغا 16ێ ببیت دێ كه‌ڤیته‌ د تاقیكرنه‌كا بهێزدا به‌رامبه‌ر یانه‌یا برۆسیا دۆرتمۆند یا ئه‌لمانى ئه‌وا سه‌كێشییا كۆما چارێ كرى و ده‌ربازبوویه‌ ڤێ قۆناغێ، هه‌رچه‌نده‌ یانه‌یا برۆسیا دخولا ئه‌لمانییا دا نه‌ل ئاستێ پێدڤییه‌ و ئه‌وا نۆكه‌ لرێزبه‌ندا 12ێ دهێت ب 25 خالان، ئه‌ڤه‌ دێ بیته‌ ده‌رگه‌هێ ده‌ربازبوونێ بۆ یانه‌یا ئیتالى ب خۆ ب ده‌رفه‌ت ببینیت و خۆ ژ قه‌یدا وێ رزگار بكه‌ت.

بابه‌تێن ب ڤێ مژارێ ڤه‌ گرێدای