مانچسته‌ر ستى پێنگاڤه‌كا مه‌زن بۆ فینالا كوپا كاراباۆ هاڤێت

مانچسته‌ر ستى پێنگاڤه‌كا مه‌زن بۆ فینالا كوپا كاراباۆ هاڤێت

WAAR-دهۆك:

هه‌لگرا ناسناڤی یانه‌یا مانچسته‌ر ستی هه‌تا راده‌یه‌كێ‌ مه‌زن خۆ نێزیكی فینالا كوپا كاراباو كر، پشتی سه‌ركه‌ڤتنه‌كا ئێكجار مه‌زن لسه‌ر مێڤاانا خۆ بێرتن ئه‌لبیۆن تۆماركری ب نه‌ه گۆلان بێ‌ به‌رامبه‌ر دیارییا ئێكێ‌ یا قۆناغا پێش داوییێ‌ دا. بتنێ‌ پێنج خۆله‌ك ژ ده‌ستپێكرنا یارییێ‌ بورین و كیڤێن دی بروینی ده‌رگه‌هێ گۆلان بۆ ستیزێنزێ‌ ڤه‌كر، ل خۆله‌كێ، 30 و 34 هێرشبه‌رێ‌ به‌ازیلی گابریێل خیسوسی گۆلێن دووێ‌ و سێیێ‌ ئینان، و ل خۆله‌كا 37 ئه‌لیكسانده‌ر زینشینكوی ب شوته‌كا جوان گۆلا چارێ‌ زێده‌كر، ل خۆله‌كا 57 خیسۆس ڤه‌گه‌ریا و هاتریك تمامكر ده‌مێ‌ گۆلا خۆ یا سێیێ‌ و یا پێنجێ‌ بۆ مان ستی تۆماركری، پشتی وێ‌ ب پێنج خۆله‌كان فێل فودین گۆلا شه‌شێ‌ ئینا، بتنێ‌ سێ‌ خۆله‌ك بوورین و خیسۆسی سوپه‌ر هاتریك تۆماركر ده‌مێ‌ گۆلا خۆ یا چارێ‌ و یا حه‌فتێ‌ بۆ خودانا یاریگه‌هێ‌ ئینای، و ل خوله‌كێن 70 و 83 كایل والكه‌ر و ریاد محرزی گۆلێن هه‌شتێ‌ و نه‌هێ‌ تۆماركرن، و ئه‌ڤه‌ دبیته‌ مه‌زنترین سه‌ركه‌ڤتن دقۆناغا پێش داوییا ڤێ‌ قاره‌مانییێ‌ دا دهێته‌ تۆماركرن.

بابه‌تێن ب ڤێ مژارێ ڤه‌ گرێدای