ماكه‌دۆنیا باكۆر ئاماده‌یه‌ پرۆسه‌یا ئه‌ندامبوونێ د ئێكه‌تیا ئه‌ورۆپا دا ده‌ستپێ بكه‌ت

ماكه‌دۆنیا باكۆر ئاماده‌یه‌ پرۆسه‌یا ئه‌ندامبوونێ د ئێكه‌تیا ئه‌ورۆپا دا ده‌ستپێ بكه‌ت

WAAR-دهۆك:

سه‌رۆكێ جڤاتا ئێكه‌تییا ئه‌ورۆپا راگه‌هاند، ماكه‌دۆنیا باكۆر به‌رهه‌ڤه‌ ده‌ست ب پرۆسه‌یا ئه‌ندامبوونێ د ئێكه‌تییا ئه‌ورۆپا دا بكه‌ت.
دۆنالد تۆسك ئه‌ڤرۆ سه‌را ماكه‌دۆنیا باكۆر كر و ل گه‌ل سه‌رۆكێ وی وه‌لاتی ستیڤۆ پێندارۆڤسكی و سه‌رۆكوه‌زیران زۆران كۆم بوو.
د گۆتاره‌كێ دا تۆسكی گۆت: ماكه‌دۆنیا باكۆر هه‌می گاڤێن پێتڤی بجهئیناینه‌ و یا به‌رهه‌ڤه‌ ده‌ست ب پرۆسه‌یا ئه‌ندامبوونێ د ئێكه‌تییا ئه‌ورۆپا دا بكه‌ت و ل مه‌ها بهێت دێ ده‌ست پێ كه‌ت.
ماكه‌دۆنیا ل سالا 2005ێ بوویه‌ به‌ربژار بۆ ئه‌ندامبوونێ د ئێكه‌تییا ئه‌ورۆپا دا لێ ناكۆكیا وێ ل گه‌ل یۆنانێ بوو رێگر د ئه‌ندامبوونا وێ د وێ ئێكه‌تیێ و هه‌ڤپه‌یمانیا ناتۆیێ دا، لێ ل پار ب گۆهرینا ناڤێ خوه ئه‌و وه‌لات‌ ل گه‌ل یۆنانێ گه‌هشتنه‌ رێككه‌فتنان.

بابه‌تێن ب ڤێ مژارێ ڤه‌ گرێدای