ماكرۆن: فره‌نسا دێ فه‌رمانده‌یه‌كا نوو یا ئاسمانی دروست كه‌ت

ماكرۆن: فره‌نسا دێ فه‌رمانده‌یه‌كا نوو یا ئاسمانی دروست كه‌ت

WAAR-دهۆك:

سه‌رۆكێ فره‌نسا ئه‌ڤرۆ ئاشكرا كر، فره‌نسا دێ فه‌رمانده‌یه‌كا نوو یا به‌رگریا ڤالاهییا ئاسمانی دروست كه‌ت بۆ زێده‌كرنا زانینا وان بۆ ئه‌سمانی.
ئیمانوێل ماكرۆنی ئه‌ڤرۆ ل گه‌ل ساخكرنا رۆژا نیشتمانی یا باستیل گۆت: فره‌نسا دێ فه‌رمانده‌یه‌كا نوو یا به‌رگریا ڤالاهییا ئاسمانی دروست كه‌ت كو جهێ فه‌رماندا هه‌ڤپشك یا نها بگریت، ب ره‌نگه‌كی كو زانینا ل سه‌ر ڤالاهییا ئاسمانی بهێز بێخیت و باشتر هه‌یڤێن ده‌سكرد یێن فره‌نسی بپارێزیت و چالاكتر ببن.
فه‌رماندا نوو دێ د چارچووڤێ هێزێن ئاسمانی دا بیت و ل داویێ دێ بیته‌ هێزا ڤالاهییا ئاسمانی.
به‌ری نها ل سالا 2018ێ دۆنالد ترامپێ سه‌رۆكێ ئه‌مریكا ژی راگه‌هاندبوو كو هه‌تا سالا 2020ێ ئه‌و دێ هێزه‌كا نوو ب ناڤێ هێزا ڤالاهیا ئاسمانی یا ئه‌مریكا دروست كه‌ن.

بابه‌تێن ب ڤێ مژارێ ڤه‌ گرێدای