ماكرۆن به‌رده‌وامییا پشته‌ڤانییا فره‌نسا بۆ سه‌رۆكێ هه‌رێمێ راگه‌هاند

ماكرۆن به‌رده‌وامییا پشته‌ڤانییا فره‌نسا بۆ سه‌رۆكێ هه‌رێمێ راگه‌هاند

WAAR-دهۆك:

سه‌رۆكێ فره‌نسا ئه‌ڤرۆ پیرۆزباهی ل نێچیرڤان بارزانی كر و به‌رده‌وامییا پشته‌ڤانییا وه‌لاتێ خوه‌ ژی بۆ هه‌رێما كوردستانێ دوپات كر.
ئێمانوێل ماكرۆن ئه‌ڤرۆ نامه‌یه‌كا پیرۆزباهیێ ئاراسته‌ی نێچیرڤان بارزانی سه‌رۆكێ هه‌رێما كوردستانێ كر و داخوازا سه‌ركه‌فتنێ د ئه‌ركێ نوو دا بۆ كرییه‌، هه‌روه‌ها به‌رده‌وامییا پشته‌ڤانییا فره‌نسا ژی بۆ دیاركر.
سه‌رۆكێ فره‌نسا د وێ نامێ دا کۆ دۆمینیک ماس، کۆنسۆلێ گشتی یێ فرەنسا ل هەولێرێ رادەستی سەرۆک نێچیرڤان بارزانی کرییە، بۆ نێچیرڤان بارزانی نێڤیسییه‌: ده‌ستبكاربوونا هه‌وە قۆناغه‌كا گرنگه‌ بۆ هه‌رێما كوردستانێ و هه‌موو ئیراقێ د وارێ سه‌قامگیری و ئاشییا جڤاكی دا، ل وێ باوه‌رێ ینه‌ كو ئه‌زموونا هه‌وه‌ د به‌رپرسیاری و هه‌ستا هه‌وه‌ بۆ ده‌وله‌تمه‌داریێ دێ هاریكار بن بۆ بجهئینانا وی ئه‌ركی.
ماكرۆن ئه‌و یه‌ك دیار كرییه‌ و راگه‌هاندیە ژی، فره‌نسا دێ پشته‌ڤانییه‌كا ته‌مام ل نێچیرڤان بارزانی و هه‌رێما كوردستانێ كه‌ت.
سه‌رۆكێ فره‌نسا د نامه‌یا خوه‌ دا، په‌سنا په‌یوه‌ندیێن دیرۆكی یێن هه‌رێما كوردستانێ و فره‌نسا كرینه‌، هه‌ڤده‌م هه‌ماهه‌نگییا هێزێن فره‌نسی و پێشمه‌رگه‌ی د شه‌رێ دژی داعشێ.

بابه‌تێن ب ڤێ مژارێ ڤه‌ گرێدای