ماكرۆنی داخوازا گاڤێن بله‌ز بۆ ڤه‌مراندنا ئاگرێ ئه‌مازۆنێ كر

ماكرۆنی داخوازا گاڤێن بله‌ز بۆ ڤه‌مراندنا ئاگرێ ئه‌مازۆنێ كر

 

WAAR-دهۆك:
سه‌رۆكێ فره‌نسا ئه‌ڤرۆ ژ وه‌لاتێن جیهانێ خواست گاڤێن بله‌ز ژبۆ كۆنترۆلكرنا ئاگرێ دارستانێن ئه‌مازۆنێ ل برازیلێ بهاڤێژن.
ئیمانوێل ماكرۆن كو مێهڤاندارییا سێ رۆژێن گۆپیتكا جی حه‌فت دكه‌ت مژارا ئاگرێ دارستانێن ئه‌مازۆنێ وه‌ك مژاره‌كا سه‌ره‌كی یا ئه‌جێندا گۆپیتكێ دانا و گۆت: ئه‌مازۆنێ باشیه‌كا هه‌ڤپشك بۆ هه‌می جیهانێ هه‌یه‌، ئه‌و دێ ده‌ست ب لڤینه‌كا پێدڤی د ناڤبه‌را وه‌لاتێن جی حه‌فت دا كه‌ت بۆ هه‌ڤكاریێ ل گه‌ل وه‌لاتێن ئه‌مازۆنی.
ماكرۆنی گۆت ژی: ئه‌مازۆن گه‌نجینه‌یا ژینگه‌ها جیهانێ یه‌ و ئۆكسجینا ئه‌و به‌ردده‌ت و گازێن ئه‌و هه‌لدكێشیت مفایه‌كێ بێ هه‌مپا بۆ جیهانێ هه‌یه‌.
ژ ئالیێ خوه‌ ڤه‌ دۆنالد تۆسك، سه‌رۆكێ جڤاتا ئه‌ورۆپا پشته‌ڤانی بۆ داخویانیا ماكرۆنی ده‌ربری.
دوهی حكوومه‌تا فره‌نسا سه‌رۆكێ برازیلێ ب دره‌وان و خه‌مساریێ هه‌مبه‌ری پێگیریێن ژینگه‌هێ سووچبار كربوو.

بابه‌تێن ب ڤێ مژارێ ڤه‌ گرێدای