مافێن مرۆڤی: قوربانییێن خوه‌نیشاندانان به‌ر ب زێده‌بوونێ نه‌

مافێن مرۆڤی: قوربانییێن خوه‌نیشاندانان به‌ر ب زێده‌بوونێ نه‌

WAAR-دهۆك:

هه‌ژمارا قوربانیێن خوه‌نیشاندانێن ئیراقێ به‌ر ب زێده‌بوونێ یه‌ و تا نها پتری 325 خوه‌نیشانده‌ران هاتینه‌ كوشتن و هه‌روه‌ها پتری 15 هزار برینداران هه‌نه‌.
كۆمسیۆنا مافێن مرۆڤی ل ئیراقێ داوی ئامارا زیانێن گیانی یێن خوه‌نیشاندانان به‌لاڤ كر و ل گۆری وێ، ژ ده‌ستپێكا پێلا خوه‌نیشاندانان، پتری 325 خوه‌نیشانده‌ران هاتینه‌ كوشتن و هه‌روه‌ها پتری پازده‌ هزار خوه‌نیشانده‌ران ژی بریندار بووینه‌.
كۆمسیۆنێ دیاركریه‌، د بیست و چار ساتێن بۆری دا، شه‌ش خوه‌نیشانده‌ر هاتینه‌ كوشتن و ب ده‌هان ژی بریندار بووینه‌.
پرانییا خوه‌نیشانده‌رێن بووینه‌ قوربانی، ب ئه‌گه‌را ته‌قه‌یا راسته‌ راست و هه‌روه‌ها بۆمبێن گازا رۆندك رێژ هاتینه‌ هنگافتن.
خوه‌نیشاندانێن ئیراقێ ل بیست و پێنجی مه‌ها بۆری ل دژی گه‌نده‌لیێ ده‌ست پێ كرن، هه‌ر زوو توندوتیژی كه‌فته‌ د ناڤ دا و ژ كارلادانا حكومه‌تا فیدرال نها داخوازییا سه‌ره‌كی یا خوه‌نیشانده‌رانه‌.

بابه‌تێن ب ڤێ مژارێ ڤه‌ گرێدای