مارتا دبیته‌ باشترین گۆلكارا مۆندیالێ

مارتا دبیته‌ باشترین گۆلكارا مۆندیالێ

WAAR-دهۆك:

ھەلبژارتییێ بەرازیل دەربازبوو قۆناغا ١٦ یا مۆندیالا کچان، پشتی سەرکەڤتنەکا بزەحمەت لسەر ھەلبژارتییێ ئیتالیا تۆمارکری ب گۆلەکێ بێ بەرامبەر ژ چارچووڤێ یاریێن گەرا سێیێ و داوییێ یێن کۆما سێیێ . ل خۆلەکا ٧٤ کاپتنا بەرازیلێ مارتایێ ژ پەنەلتییێ گۆلا ئێکانە یا سەرکەڤتنا سەماڤانێن سامبایێ تۆمارکر. بڤێ سەرکەڤتنێ بەرازیلێ ب شەش خالان وەکو ئێک ژ باشترین تیمێن رێزا سێیێ و ئیتالیا ب ھەمان خال وەکو سەرکێشا کۆمێ دەربازبوونە قۆناغا ١٦ێ.
ھێرشبەرا بەرازیلێ مارتا دبیتە باشترین گۆلکارا مۆندیالان لسەر ئاستێ کور و کچان، پشتی سەرکێشییا تیما خۆ بۆ تۆمارکرنا سەرکەڤتنێ لسەر ئیتالیا کری . باشترین یاریکەرا جیھانێ شەش جاران مارتا یا ٣٣ سالی ب گۆلا خوە یا پەنەلتییێ لسەر ئیتالیا، ھژمارا گۆلێن د پێنج وەشانێن مۆندیالان دا گەھاندە ١٧ گۆلان، و ریکۆردا ھێرشبەرێ ئەلمانیا میرۆسلاڤ کلوزەی ئەوێ ١٦ گۆل دچار وەشاناندا تۆمارکرین شکاند، و لسەر ئاستێ کچان ژی مارتا لسەر یاریکەرا ئەلمانی بێرگێت پرینتس و یا ئەمریکی ئابی وامباشێ پێشکەڤت کو ھەر ئێک ژ وان ١٤ گۆل ھەنە.

بابه‌تێن ب ڤێ مژارێ ڤه‌ گرێدای