مارادۆنا وه‌كۆ راهێنه‌رێ نوو یێ لاپلاتا بۆ ‌میدیایێ هاته‌ پێشكێشكرن

مارادۆنا وه‌كۆ راهێنه‌رێ نوو یێ لاپلاتا بۆ ‌میدیایێ هاته‌ پێشكێشكرن

WAAR-دهۆك:

ئەفسانەیێ فوتبۆلێ دیێگۆ ئارماندۆ مارادۆنا ب فەرمی وەکۆ راھێنەرێ نوو ل یانەیا جێمناسیا لاپلاتا یا ئەرجەنتینی بۆ میدیایێ و پشتەڤانان ھاتە پێشکێشکرن.مارادۆنا ئەوێ ل تیرمەھا بۆری ژ پۆستێ راھێنەرییا دۆرادۆس یا مەکسیکی ھاتییە دوورخستن پێشوازییەکا گەرم ژلایێ پشتەڤانێن لاپلاتا ڤە بۆ ھاتە کرن و ل یاریگەھا کارمێلۆ زارییۆ سەرپەرشتی لسەر ئێکەم یەکا راھێنانێن تیمێ کر. ئەرکێ مارادۆنای دگەل یانەیا ئەرجەنتینی یێب ساناھی نابیت ب تایبەت کۆ نھا ل رێزا داویێ د خۆلێ دا دھێت. و د پرێسکۆنفرانسێ پێشکێشکرنا خوە دا مارادۆنای گۆت : من دڤێت بۆ ھەموو پشتەڤانان دیارکەم. کۆ جێمناسیا لاپلاتا دێ بیتە تیمەکا نمۆنە دێ مە گەلەک ئارمانج ھەبن. ھەژی گۆتنێ یە پێش نھا دیێگۆ ئارماندۆ مارادۆنای ل سالێن ٢٠٠٨ تا ٢٠١٠ راھێنەرییا ھەلبژارتیێ ئەرجەنیتنێ ژی کربوو و ددیڤدا پۆستێ راھێنەرییا یانەیێن ماندیۆ دی کۆرێنتس و ریسینگ کلۆپێ ژی وەرگرتبوو. لێ ب ئەگەرێ ئەنجامێن لاواز ھاتییە دوورخستن.

بابه‌تێن ب ڤێ مژارێ ڤه‌ گرێدای