ل وەلاتێ کۆنگۆ ژ بەر ئیبۆلایێ رەوشا ئاوارتە ھات راگەھاندن

ل وەلاتێ کۆنگۆ ژ بەر ئیبۆلایێ رەوشا ئاوارتە ھات راگەھاندن

WAAR-دهۆك:

ل کۆمارا کۆنگۆ یا دیمۆکرات ژ بەر بەلاڤبوونا بەردەوام یا ڤایرۆسێ ئیبۆلایێ، رەوشا ئاوارتە ھات راگەھاندن.
رێکخستنا ساخلەمییا جیھانی، ژ بەر بەلاڤبوونا بەردەوام یا ڤایرۆسێ ئیبۆلایێ، ل کۆمارا کۆنگۆیا دیمۆکرات رەوشا ئاوارتە یا ساخلەمی راگەھاند و دیار کر: بەلاڤبوونا وی ڤایرۆسی ژ دەرڤەی سنۆرێ کۆنگۆ د ئاستەکێ بلند دا نینە.
بەلاڤبوونا ڤایرۆسێ ئیبۆلایێ ل کۆمارا کۆنگۆ، ب دوەم مەزنترین بەلاڤبوون د دیرۆکی دا دھێت ھەژمارتن، پشتی د سالا بۆری دا ب ئاوایەکێ ب ترس ل ھەردو پارێزگەھێن کیڤۆیا باکۆر و ئیتۆر دەستپێکری.
کێمتر ژ سالەکێ یە زێدەتری ھزار و شەشسەد تووشبویێن وی ڤایرۆسی ل کۆنگۆ ژیانا خوە ژ دەست دایە، ل گۆرەی داتایان ژی، رۆژانە ل وی وەلاتی ب گومانا ھەبوونا وی ڤایرۆسی پشکنینێن ساخلەمی بۆ دوازدە کەسان دھێن کرن.

بابه‌تێن ب ڤێ مژارێ ڤه‌ گرێدای