ل مووسلێ داعشێ ژمارەیەکا ژنان رەڤاندن

ل مووسلێ داعشێ ژمارەیەکا ژنان رەڤاندن

WAAR-دهۆك:

ئەفسەرەکێ سوپایێ ئیراقێ راگەھاند؛ رێکخستنا تیرۆرستی یا داعشێ ژمارەیەکا ژنان ژ گوندەکێ سنۆرێ پارێزگەھا نەینەوایێ رەڤاندن و بەرەڤ باکۆرێ پارێزگەھا سەلاحەددینێ برن.
رائد یاسر تەمیمی بۆ ئاژانسا ئەنادۆل گۆت: پشتی ل چەند رۆژێن بۆری داعشێ ھێرش کریە سەر گوندێ ئیمام باشۆری یێ سەر ب ناحیا گەیارە ڤە، ژمارەیەکا ژنان ژ وی گوندی رەڤاندن و بەرەڤ سنۆرێن دەڤەردارییا شەرگات یا باکۆرێ پارێزگەھا سەلاحەددینێ برن.
وی ئەفسەرێ سوپایێ ئیراقێ دیارکر ژی، تا نھا ژمارەیا ژنێن ژ وی گوندی ھاتین رەڤاندن نەھاتییە زانین، دوپاتکر کو ھێزێن ئیراقی نھا ل دەردوورێن وی گوندی بەربەلاڤبووینە.

 

بابه‌تێن ب ڤێ مژارێ ڤه‌ گرێدای