لێکگۆهاڕتنا نامەیێن ئەلکترۆنی د ناڤبەرا مه‌ژییێن مرۆڤان دا

لێکگۆهاڕتنا نامەیێن ئەلکترۆنی د ناڤبەرا مه‌ژییێن مرۆڤان دا

وار – دهۆک :

ئەرێ دێ رۆژەک هێت و ئەم مێشکێن خوه‌ بتۆرا ئینتەرنێتێڤە گرێدەین؟ رۆز ئیفیلث دڤێ پارچە نڤیساندنا دهێت دا ل چەوانیا راستیا هنارتنا ئێکەم نامەیا ئەلکترۆنی دناڤبەرا دوو مێشکێن مرۆڤان دا دنێریت، ئەڤە و ددەمەکی دا کو لەزاتیا گرێدانا ئینتەرێتێ رۆژ بۆ رۆژێ زێدەدبیت، دیسان ژبەر گرێدانا مە ب تۆرا ئینتەرنیتێڤە ژبەر کو گەلەک ئامیرێن نها مرۆڤ بکاردئینن دگرێداینە بتۆرا ئینتەرنیتێڤە، هندەک جاران ئەم هۆسا دبینین هەروەکی ئەم یێ پەیوەندیەکا بلەز یا ئەلکترۆنی دناف مێشکێن خوه‌دا ئەنجام ددەین، کو ئەز نامەیەکا ئەلکترۆنی فرێدکەم و تۆ وەردگری و ڤەدکەی و پاشان بەرسڤ ددەی و ئەڤ چەندە هەموو د چەند چرکەیەکان دا رووددەت، سەرەرای وێ چەندێ کو ئەڤ پەیوەندیا بلەز یا باش بیت یا نە، بەری دەمەکێ نە گەلەک دوور دا ل ژڤانا راپۆرتەکێ یان نامەیەکێ بین بۆ هەیاما چەند رۆژەکان یان هەفتیەکان ژبۆ وێ یەکێ ئەو پارچە نڤیساندنە گەهشتبا مە، لێ نها بتنێ بۆ ماوێ چەند دەمژمێرەکان مرۆڤ دمینیتە ل ژڤانا بەرسڤا نامەیەکێ، دوی دەمێ کورت دا مرۆڤ هەست دکەت بۆ هەیامەکا دوور و درێژ مایە ل ژڤانا ڤێ بەرسڤێ، دبیت رێک پتر یا چالاک بیت لدەمێ پەیوەندی دهێتە گرێدان بتۆرا ئینتەرنیتێ ڤە ژبۆ مەرەما کرنا پەیوەندیا ئێکسەر دناڤبەرا مێشکێن مرۆڤان دا برێیا تۆرا تەڤەنپیرکێ، ئەگەر گرێدان چێبوو دناڤبەرا ڤان هەردوو مێشکان دا، ژ وێرێ پێڤە پێدڤی ب نڤیساندنێ ناکەت بۆ وان کەسان ئەوێن گرانی هەی ل دەمێ نڤیسینێ، ژبەرکو دێ بشێوەیەکێ سادە بیت، بتنێ دێ هزر د کارەکی دا کەی و دێ هزرا خوه‌ بۆ هەڤالێ خۆ یان یێ بەرامبەری خوه‌ هنێری، ڤێچا چ ئەو کەسێ بەرامبەر لدەف تەبیت یان ل لایێ دی یێ جیهانێ بیت، براستی هێشتا ڤەکۆلین نە گەهشتینە ڤێ قۆناغێ، لێ نها ڤەکۆلینێن نوو هاتینە ئەنجامدان پێنگاڤا ئێکێ لڤی بارەی بریە، لدەمێ کەسانێن بڤێ چەندێ رابووین دایە خوه‌یاکرن کو ئەو شیاینە پەیوەندیەکا ئێکسەر دناڤبەرا دوو مێشکێن مرۆڤان دا برێیا ئینتەرنێتێ ئەنجام بدەن و دووراتی دناڤبەرا وان دا چەندین میلەک بوون، لێ دڤێت هزر دڤێ چەندێژی دا بکەین کو نها زانا گەلەک د دوورن ژ هەبوونا شیانان بۆ رابوونا ب تشتەکی کێمتر بیت ژ ئالۆزیا تەکنۆلۆجیێ، لێ سەرەرای وێ چەندێ دێ یا خۆش بیت هزر د وێ یەکێ دا بکەی پشتی چەند چەرخەکان ژ نوکە، دبیت مێشکێ تە ئەو شیان هەبن نامەیێن ئەلکترۆنی یان نامەیێن نۆرمال یان مینا ڤێ راپۆرتا نها تۆ دخۆینی ئێکسەر وەربرگریت.

ژێدەر: BBC Arabic

بابه‌تێن ب ڤێ مژارێ ڤه‌ گرێدای