لبنان.. خوەنیشاندان بۆ رۆژا شەشێ بەردەوامن

لبنان.. خوەنیشاندان بۆ رۆژا شەشێ بەردەوامن

WAAR-دهۆك:

خوەنیشاندانێن لبنانێ ئەڤرۆ بۆ رۆژا شەشێ بەردەوامن و ل سەرانسەری لبنانێ، پڕانییا دەوامێن فەرمی راوەستیاینە.
خوەنیشاندانێن لبنانێ ئەڤرۆ بۆ رۆژا شەشێ بەردەوامن، خوەنیشاندەر داخوازا دەستژکارکێشانا حکوومەتێ دکەن و رێیێن سەرەکی ل پڕانییا باژێرێن لبنانێ گرتینە و ل گۆری ژوورا کۆنترۆلا هاتووچوویا لبنانێ، هەموو رێیێن سەرەکی یێن بەیرووتێ ب پارێزگەهێن باکۆر ڤە گرێددەن و هەروەسا رێیێن چیایێ لبنانێ ب بیقاع و باشووری ڤە گرێددەن، هاتینە گرتن.
ل پڕانییا باژێڕێن لبنانێ، ژبەر خوەنیشاندانان، خواندنگەهـ و سازیێن فەرمی یێن حکوومەتێ داخستینە و خوەنیشاندەر ژبلی دەستژکارکێشانا حکوومەتێ، ب چ پێشنیازێن دی رازی نەبووینە.
سەعەد حەریری، سەرۆکوەزیێ لبنانێ، شڤێدی دوپات کربوو حکوومەت دێ چاکسازییان کەت، لێ خوەنیشاندەران پێشنیازا وی رەت کرییە و ل سەر داخوازییا خوە رژدن.

بابه‌تێن ب ڤێ مژارێ ڤه‌ گرێدای