لایـەنـگـر و کـوێـلـە د مــەیــدانــا سـیـاسـەتـێ دا ..!

جاسم صبری ــ زاخــو

لایەنگر و كوێـلە ئەو دو دەستەواژێن ژ هەڤ جودا و پێچەوانە ئەوێن ئەم بیەك چاڤ دبینن، د راستی دا دو دەستەواژێن ژ هەڤ جودانە و هەریەك ژ وان واتـە و رامانا خوە یا تایبەت هەیە، لێ‌ د جڤاكێ‌ مە دا ڤان دەستەواژەیان هەڤـ گرتیە و ب ئیك رامان دهێنە دیتن، ئەگەر ئەم هەر یەك ژ ڤان دەستەواژەیان پێناسەبكەین و بهایێ‌ وێ‌ یێ‌ دروست بدەینێ‌ و ل واتایا وێ‌ یا دروست ب زڤرینن دێ‌ هوسابیت:- لایەنگر: ئەو كەسە یێ‌ هەردەم پشتەڤانیا پارتا خوە دگریت و پێشنیار و بۆچوونێن باش و جودا ددەتە پارتیا خوە هانا پارتا خوە ددەت دناڤا خەلكێ‌ دا، هەردەمێ‌ پارتا وی خەلەتیەكێ‌ بكەت ددەتە دیاركرن و رەخنێ‌ ل پارتیا خوە دگریت و بەرژەوەندیا مللەتێ‌ خوە پتر دپارێزیت ژ بەرژەوەندیا پارتـا خوە. كوێلە: ئەو كەسە یێ‌ مەلاقیان بۆ هندەك ژ بەرپرس و بالادەستێن پارتیا خوە دكەت و د هەر رویدانەكێ‌ دا پشتا پارتا خوە دگریت و ب چ رێكا دەستبەرداری پارتا خوە نابیت لسەر هەر دەستدرێژی و خەلەتیا پارتا خوە رازیە و چاڤێ‌ خوە لسەر هەر خەلەتی و گەندەلێن پارتا خوە دنەقینت و پشتەڤانیا خەلەتیێن پارتا خوە دكەت و هەولا ڤەشارتنا خەلەتی و عەیب و دزیێن پارتا خوە ددەت و بەرژەوەندیا پارتا خوە پتر دپارێزت ژ بەرژەوەندیا گەل و مللەتێ‌ خوە. ئەگەرێ‌ دیتن و هەڤ واتایا ڤان هەردو كەسایەتی و دەستەواژەیان ڤەدگەریت بۆ چەند ئەگەران:- یا ئێكێ‌: ئەوە ئەندامبوونا پارتیان دناڤا تەخـا رەوشەنبیر و نڤیسەر و رەخنەگر و روژنامەڤانان دا كارەكێ‌ لاواز و كێمە و كەسایەتیا مرۆڤی ب ئەندامەتیا پارتیێن سیاسی كێم دبیت و ب چاڤەكێ‌ كێم دهێتە دیتن و مرۆڤ ب ئەندامەتیا پارتان كەسایەتیا خوە یا دروست ژ دەست ددەت دناڤا جڤاكی دا، بێكو ئەڤ تەخە هەولبدەن خەلكێ‌ فێری لایەنگریا دروست بكەن و هانا خەلكێ‌ بدەن بۆ لایەنگریا دروست و رەوا، هەردەم ئەڤ تەخە خوە دویردكەت ژ ڤی بابەتی و خوە بێ‌ لایەن ددەن دیاركرن و لایەنگریێ‌ ددەستێن خەلكێ‌ گشتی دا دئێخن د چارگوشەیا مەلاقی و كوێلەبوونێ‌ دا چونكی خەلك وەها فێری لایەنگریێ‌ بووینە بێكو بۆ بهێتە رۆنكرن. ئەگەرێ‌ دووێ‌ ژی: هەر لایەنگر و ئەندامێن پارتیا بخوەنە خوە دئێخن د چارگوشەیا مەلاقی و خوەرادەستكرن و كویلەبوونێ‌ دا دناڤا پارت و لایەنێن خوە یێن سیاسی دا ژ ترس و ژدەستدانا پلە و مووچە و كار و پیشەیێ‌ ئەوان بدەست خوەڤە ئینای دژیانا خوە یا روژانە دا. ئەگەرێ‌ سیێ‌ ژی: پێك را بەردان و گرژیا كەسایەتیێن سیاسی دئێخن گورەپانا لایەنگر دا ب داخویانی و تومەتباركرنا لایەنێن هەڤرك ب چەواشە كاری و خەلەتاندنا خەلكێ‌ بشێوەیەك گشتی و رازی كرنا لایەنگرێن خوە لسەر خەلەتێن خوە ب رێكا بەلاڤكرنا چەندین بەلگەیێن درەو د راگەهاندن و تور و كەنالێن خوە یێن زمانحال دا ژبۆی ڤەشارنتا عەیبێن خوە، هەروەسا پارتێن سیاسی هەولددەن مللملانێ‌ و دەمارگیریێ‌ بێخن مەیدانا لایەنگرێن سیاسی دا بۆ بدەستڤەئینانا پتریا لایەنگر و پشتەڤانا برێكێن راگەهاندنا خوە یا بێ‌ بنەما و بەلگەیێن درەو لدۆر دەسكەفت و تومەتباركرنا لایەنێن هەڤركێن خوە. بڤێ‌ رێكێ‌ خەلكێ‌ ژ سیفەتێ‌ لایەنگریێ‌ دگهۆرن بۆ سیفەتێ‌ كوێلەبوونێ‌ بێكو ئاگەهـ ژخوە هەبیت لسەر چ ئاڤـا شێلی یێ‌ مەلەڤانیان دكەت و هزرا خەندقینێ‌ بكەت. ئەڤ ئەگەرە و چەندین ئەگەرێن دی هەنە نەخوەشیا كوێلەبوونێ‌ دناڤا جڤاكی دا زێدەدكەت، لەوا یافەرە دناڤا ڤان پارتیان دا هەولا هزر و هەستێ‌ نەتەوەییی پتر پــەرە پێ‌ بهێتەدان ژ هەستێ‌ پارتایەتیێ‌ دناڤا خەلكێ‌ دا و تەخا رەوشەنبیر و نڤیسەران خوە ل ڤی بابەتی بكەن خودان خەلكێ‌ فێری لایەنگریا دروست بكەن، دا جیلەكێ‌ ساخلەم ل سەر دەستێ‌ وان ئاڤاببیت كو دویربن ژ مەلاقی و كوێلەبوونا پارت و كەسایەتیێن سیاسی، ئەم مفایەكێ‌ نەتەوەیی باش ژ چالاكیێن لایەنگرا ببینن دناڤا پارتێن واندا نەك تنێ‌ مفای بگەهینن پارتا خوە. ب ڤێ‌ چەندێ‌ ئەم دێ‌ بین خودان كەسایەتیێن راستگۆ و دەستپاك د لایەنێ‌ خوەیێ‌ سیاسی دا دێ‌ مەكەسێن ژیر و زانا و جهێ‌ باوەریێ‌ هەبن لسەر كورسی و پلەیێن دەسهەلاتێ‌ .

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.