لاڤرۆڤ: شەرێ ئسرائیلێ و ئیرانێ ل سووریێ دێ ئالۆزییان زێدە کەت

لاڤرۆڤ: شەرێ ئسرائیلێ و ئیرانێ ل سووریێ دێ ئالۆزییان زێدە کەت

WAAR-دهۆك:

وەزیرێ دەرڤەیێ رۆسیا راگەھاند؛ بزاڤێن گوھۆرینا ئاخا سووریێ بۆ مەیدانا شەری د ناڤبەرا ئسرائیلێ و ئیرانێ دا، دێ قەیرانا دەڤەرێ ئالۆزتر لێکەت.
سێرگی لاڤرۆڤ، وەزیرێ دەرڤە و سێرگی شویگۆ، وەزیرێ بەرگرییێ ‌یێن رۆسیا د گەل ھەر ئێک ژ سامح شوکری، وەزیرێ دەرڤە و محەمەد زەکی، وەزیرێ بەرگرییا مسرێ ل مۆسکۆ کۆم بوون.
لاڤرۆڤ د پرێسکۆنفرانسەکی دا راگەھاند؛ رەوشا کەنداڤێ بەسرا و پێشھاتێن سووریێ گەلەک ب ترسن، بزاڤێن گوھۆرینا ئاخا سووریێ ژی بۆ مەیدانا شەری د ناڤبەرا ئسرائیلێ و ئیرانێ دا، دێ قەیرانێن دەڤەرێ ئالۆزتر لێکەت.
وەزیرێ دەرڤەیێ رۆسیا ئاشکرا ژی کر، ئەو پشتەڤانن بۆ پاراستنا ئاساییشا کەنداڤێ بەسرا و دانوستاندنان د ناڤبەرا ئیرانێ و وەلاتێن ئەرەبی دا.

بابه‌تێن ب ڤێ مژارێ ڤه‌ گرێدای