لاڤرۆڤ: جڤاتا ئاسایشی لسەر پرۆژەقانوونا ئەمریکا بۆ ڤەنزوێلا رازی نابیت

لاڤرۆڤ: جڤاتا ئاسایشی لسەر پرۆژەقانوونا ئەمریکا بۆ ڤەنزوێلا رازی نابیت

WAAR-دهۆك:

وەزیرێ دەرڤە یێ رۆسیا راگەھاند؛ مەرەم ژ پرۆژەقانوونا ئەمریکا لدۆر ڤەنزوێلا دایە جڤاتا ئاسایشێ, تێکدانا رەوشا وی وەلاتی یە.
سێرگی لاڤرۆڤ، ئەڤرۆ د پرێسکۆنفرانسەکێ دا بەحس ل پرۆژە قانوونا ئەمریکا لدۆر ڤەنزوێلا دایە جڤاتا ئاسایشا نێڤدەولەتی کر و راگەھاند؛ ئیدارەیا واشنتۆنی بزاڤان دکەت وێ پرۆژە قانوونێ وەک بەھانە ب کاربینیت دا کو دەستوەردانێن راستە راستێن سەربازی ل وی وەلاتی بکەت و رەوشێ ئالۆز تر لێ بکەت.
لاڤرۆڤی ئاماژە کر؛ کو جڤاتا ئاسایشا نێڤدەولەتی لسەر وێ پرۆژەقانوونا ئەمریکا رازی نابیت.
داخویانییا لاڤرۆڤی د دەمەکێ دایە، ئەڤرۆ ھەر یەک ژ ئەمریکا و رۆسیا جودا لدۆر قەیرانا سیاسی یا ڤەنزوێلا، پرۆژە قانوون پێشکێشی جڤاتا ئاساییشا نێڤدەولەتی کرینە.

بابه‌تێن ب ڤێ مژارێ ڤه‌ گرێدای