لاشێ مێرکلێ بۆ جارا 3 یێ لەرزی

WAAR-دهۆك:
لەرزینا لەشێ شیرەتکارا ئەلمانیا ئەڤرۆ ژی رویدا و د بیتە جارا سیێ ئەو لەرزینە ل دەڤ وێ رویدەت.
ئەنگێلا مێرکل ئەڤرۆ پێشوازیکرنا ئانتی رین، سەرۆکێ وەزیرێن فێنلەندا دا د دەما گوھدانا مارشا نشتیمانی دا ل بەرلینێ ژ نشکەکێڤە لاشێ وێ ھەموو لەرزی و ئەڤ لەرزینە د بیتە جارا سیێ د مەھەکێ دا د گەل مێرکلێ رویدەت.
میدیایێن ئەلمانی و جیھانی باس ل وێ یەکێ دکەن کو دبیت رەوشا ساخلەمیا وێ یا باش نەبیت، تایبەت پشتی پلەیێن گەرمێ ل ئەلمانیا زێدە بووین، مێرکلێ پێشتر د گۆپیتکا G20ێ دا دوپات کربوو کو رەوشا وێ یا ساخلەمیێ یا باشە.
پیشتر ژی ل رۆژێن 18ێ و 27ێ مەھا بوری ژی ئەو یەک ل دەڤ مێرکلێ ھاتبوو دیتن.

بابه‌تێن ب ڤێ مژارێ ڤه‌ گرێدای