لاریجانی: دەربازکرنا سنۆرێن ئیرانێ باجەکا گران ھەیە

لاریجانی: دەربازکرنا سنۆرێن ئیرانێ باجەکا گران ھەیە

WAAR-دهۆك:

سەرۆکێ پەرلەمانێ ئیرانێ ھوشداری دانە ئەمریکا و گۆت: دەربازکرنا سنۆرێن ئیرانێ دێ باجەکا گران ھەبیت.
عەلی لاریجانی ئەڤرۆ راگەھاند؛ گەر ئەمریکا شاشیەکا دی یا مینا ھنارتنا فرۆکەیەکا سیخۆریێ بۆ ئاسمانێ ئیرانێ بکەت، دێ بەرسڤەکا توندتر ژ ئێخستنا فرۆکا ھەفتیا بوری ھەبیت و ھوشداری ژی دانە بەرپرسێن ئەمریکا کو وێ شاشیێ دوبارە نەکەن.
لاریجانی دوپات ژی کر کو دەربازکرنا سنۆرێن ئیرانێ ھێلا سۆرە و ھەر بزاڤەک ژ ئالیێ ئەمریکا دێ باجەکا گران ھەبیت.
ل ھەفتیا بوری پاسدارێن ئیرانێ فرۆکەیەکا ئەمریکی یا چاڤدێریێ ل ئاسمانێ کەنداڤێ عومانێ ئێخستیە و بەرپرسێن ئیرانێ د بێژن، وێ فرۆکێ ئاسمانێ ئیرانێ دەرباز کریە، لێ ئەمریکا رەت دکەت فرۆکا وان ژ سنۆرێن ئاسمانێ نێڤدەولەتی دەرکەڤبیت.

بابه‌تێن ب ڤێ مژارێ ڤه‌ گرێدای