كیژان پیشه‌ بۆ ژنان گونجایتره‌؟

كیژان پیشه‌ بۆ ژنان گونجایتره‌؟

وار – دهۆک :

كۆمه‌كا پیشه‌یان هه‌نه‌ بۆ خانمان ب مفانه‌ و ب وان پیشه‌یان ژن ئارام و دلخوه‌شترن و كۆمه‌كا دى ژى هه‌نه‌ كو زیانێ ب ساخله‌مییا ژنان دگه‌هینن و دبیت هه‌رده‌م ژى وان دئێخنه‌ د باره‌كێ نه‌گونجایێ ده‌روونى دا.
بسپۆرێن بوارێ خوارنێ ئاماژه‌یێ ب وێ ئێكێ دكه‌ن كو بلا ژن بزاڤێ بكه‌ن د بابه‌تێن ئالۆز و مژوولبوونا مێشك و هزرى دا كاربكه‌ن، ژبه‌ركو ئه‌ڤ پیشه‌یه‌ دبنه‌ سه‌ده‌ما وێ ئێكێ كو خانمان هزره‌كا داهێنانێ هه‌بیت و د ژیێ پیریێ دا كێمتر تووشى نه‌خوه‌شییا ژبیركرنێ ببن.
نموونه‌یێن ڤان پیشه‌یان ژى پێكدهێن ژ: ئه‌ندازیارییا ئاڤاهییان و ئاڤه‌دانكرن و پلان دانان و گرافیك و سیسته‌مێ نڤیسینا كۆمپیوته‌ر و پارێزه‌ری.
ڤه‌كۆلین وێ ئێكی ده‌ردئێخن كو ب به‌ره‌ڤاژى پیشه‌یێن ب ساناهى كو كێمتر ئالۆزییا هزركرنێ تێدایه‌، دبنه‌ سه‌ده‌ما سستى و لاوازبوونا بیرهاتن و ده‌ركه‌ڤتنا گه‌له‌ك نه‌خوه‌شییان د ژیێ پیریێ دا لده‌ف مرۆڤى.
د گه‌ل ڤان پیشه‌یان ژى دا چێكرنا خوارنێ و چاندنا گیا و گول و كارێن ده‌ستى كو ژ كارێن سڤكێن مالێ دهێنه‌ هه‌ژمارتن، مفا بۆ خانمان هه‌نه‌.
ئه‌ڤ پیشه‌یێن ل سه‌رى دیاركرى كو مفایه‌كێ زێده‌ ژ ئالیێ هزرى و له‌شى و ساخله‌میێ ڤه‌ دگه‌هیننه‌ خانمان و وان به‌ره‌ڤ كار و به‌رهه‌مێن باش و داهێنانان ژى دبه‌ن، لێ دبیت هه‌تا نوكه‌ د جڤاكێن مینا جڤاكێ مه‌ دا، ژن پتر حه‌زبكه‌ن كارێن ب ساناهى و گه‌له‌ك سڤك بكه‌ن، یان ژى هه‌ما هنده‌ك ل مال درووننه‌ خوار و ب كاروبارێن مالێ و خودانكرنا زاڕۆیان ڤه‌ مژوولدبن، لێ وان ئاگه‌هـ ژ ڤێ ئێكێ نینه‌ كو ئه‌نجامدانا ڤان پیشه‌یێن ل سه‌رى دیاركرى دێ زێده‌ مفاى گه‌هیننه‌ وان، له‌و باشتره‌ ژن ئێدى ئه‌و ب خوه‌ بڕیارێ بده‌ن كو وان كار و پیشه‌یان بۆ خوه‌ هه‌لبژێرن كو ژ گه‌له‌ك ئالییان ڤه‌ مفا و قازانجێ دگه‌هیننه‌ وان.

بابه‌تێن ب ڤێ مژارێ ڤه‌ گرێدای