كۆنگرێسێ ئه‌مریكا دژی توركیا ده‌ست ب بزاڤان كر

كۆنگرێسێ ئه‌مریكا دژی توركیا ده‌ست ب بزاڤان كر

WAAR-دهۆك:

هه‌ژماره‌كا نوونه‌رێن دیمۆكرات و كۆماریان ل كۆنگرێسێ ئه‌مریكی كۆنگره‌كێ رۆژنامه‌ڤانی ساز كر و دوپاتی ل سه‌پاندنا سزایێن دژوار ل سه‌ر توركیا كر.
لێندزی گراهام، سیناتۆرێ كۆماریان راگه‌هاند، كۆنگرێسی هێرشا توركیا ل سه‌ر سووریێ و ره‌وشا كوردێن هه‌ڤپه‌یمانێن ئه‌مریكا كر و هه‌می ئێكده‌نگ بوون كو پێدڤیه‌ سزایێن دژوار ل سه‌ر توركیا بهێنه‌ سه‌پاندن و به‌رده‌وام بن هه‌تا ئه‌و وه‌لات هێرشا خوه‌ راگریت و هێزێن خوه‌ و چه‌كدارێن سه‌ر ل خوه‌ ڤه‌ ژ باكۆرێ سووریێ ڤه‌كێشیت.
گراهامی گۆت: وان ئه‌ڤرۆ پێداچوون د ئه‌كاونتێن بانكی یێن سه‌رۆكی توركیا دا كرن و وان بریار دا سزایێن پتر بسه‌پنینن هه‌تا ئه‌ردۆغان ره‌فتارێن خوه‌ دگوهریت و سزایێن نها بتنێ گاڤا ده‌ستپێكێ یه‌.
هه‌روه‌ها دوپات كر، ئه‌مریكا ناخوازیت داعش بزڤریته‌ ڤه‌ و ب هاریكاریا كوردان ئه‌مریكا ئه‌و رێكخستن شكاند، ڤه‌كێشانا هێزێن ئه‌مریكی ڤالاهیه‌ ل باكۆرێ سووریێ چێكریه‌ و رۆسیا و ئه‌سه‌د و ئیران دێ وێ ڤالاهیێ پر كه‌ت، ژ ترامپی دخوازین ژ زیانێن ڤه‌كێشانێ په‌یدا كرین پاشڤه‌ بزڤریت.
ژ ئالیێ خوه‌ ڤه‌ سیناتۆر كریس ڤان هۆلنی گۆت: نها پاقژكرنا نه‌ته‌وه‌یی دژی كوردان دهێته‌ كرن، و چه‌كدارێن توركیا پشته‌ڤانیێ لێ دكه‌ت زیندانیێن داعشێ ئازاد دكه‌ت، گه‌ر ژبه‌ر ره‌فتارێن ئه‌ردۆغانی نه‌با وان سازا نه‌دسه‌پاندن.

بابه‌تێن ب ڤێ مژارێ ڤه‌ گرێدای