كۆنسۆلی بریتانیا ل هه‌رێمێ: دێ وه‌به‌رهێنه‌ران هانده‌ین ل هه‌رێما كوردستانێ كار بكه‌ن

كۆنسۆلی بریتانیا ل هه‌رێمێ: دێ وه‌به‌رهێنه‌ران هانده‌ین ل هه‌رێما كوردستانێ كار بكه‌ن

وار – دهۆک :

كۆنسۆلێ گشتی یێ به‌ریتانیا ل هه‌رێما كوردستانێ، دیاركر: ئه‌و كاردكه‌ن، داكو وه‌به‌رهێنه‌رێن به‌ریتانی سه‌رمایێ خوه‌ل هه‌رێما كوردستانێ بده‌نه‌كاری.
ئانكه‌س ماكی، كۆنسۆلێ گشتی یێ به‌ریتانیا ل هه‌رێما كوردستانێ د سه‌ره‌دانه‌كێ دا بۆ ده‌سته‌یا وه‌به‌رهێنه‌ران راگه‌هاند: ئه‌و كاردكه‌ن داكو وه‌به‌رهێنه‌رێن به‌ریتانی سه‌رمایێ خوه‌ل هه‌رێما كوردستانێ بده‌نه‌كاری، داخواز ژی ژ حكومه‌تا هه‌رێمێ و ده‌سته‌یا وه‌به‌رهێنه‌ران كر، داكو رێژه‌یه‌كا مه‌زن یا وه‌به‌رهێنه‌ران قه‌ستا هه‌رێمێ بكه‌ن، پتر هاریكارییا وه‌به‌رهێنه‌ران بهێته‌كرن.
ژ ئالییێ خوه‌ڤه‌، رێبوار خه‌لیل، سه‌رۆكێ ده‌سته‌یا وه‌به‌رهێنه‌ران راگه‌هاند: حكومه‌تا هه‌رێمێ مژوولی ئاماده‌كرنا كۆنفرانسه‌كی یه‌ژ بۆ وه‌به‌رهێنه‌ران، د وی كۆنفرانسی دا دێ گوهه‌رینێن بنگه‌هین د سیاسه‌تا وه‌به‌رهێنانێ دا هێنه‌كرن، ب تایبه‌تی ژ ئالییێ هاندان و رێخوه‌شكرنێ بۆ وه‌به‌رهێنه‌رێن بیانی هه‌روه‌سا دێ ئاسانكارییان ئێخیته‌د پێدانا موله‌تێ وه‌به‌رهێنه‌ریێ ژی دا.

بابه‌تێن ب ڤێ مژارێ ڤه‌ گرێدای