كۆنسلخانه‌ دێ‌ كاركه‌ن و ئه‌م دێ‌ خوین!

شێرزاد نایف

پتریا ئاریشه‌ و ده‌رده‌سه‌ری و زیانێن ب مه‌ كه‌فتین، سه‌ده‌م جوگرافینه‌، ده‌ڤه‌را مه‌ و ئه‌ردێ‌ مه‌ ژ  به‌ر نه‌بوونا ئاڤێ‌ و ده‌روازه‌یێن ده‌ریایی نه‌بووینه‌، گه‌له‌ك هه‌ولێن كارا ژی هاتنه‌ كرن ژلایێ‌ كوردان و سه‌رانێن وان ڤه‌، لێ‌ پتریا وان شكه‌ستن بده‌ستڤه‌ئینایه‌، به‌لێ‌ وه‌ دیاره‌ ڤێ‌ جارێ‌  و ب سیاسه‌تا حوكمه‌تا هه‌رێما كوردستانێ‌ ملێ‌ خوه‌ ژدل دایه‌ به‌ر، گه‌له‌ك بزاڤێن به‌رهه‌مهێنه‌ر خستنه‌روو. ئه‌ڤرۆ ژی هه‌ڤسه‌نگیێن مه‌زن كه‌فتنه‌ ده‌ڤه‌را مه‌ و هه‌ر وه‌كو هێزێن مه‌زن دێ‌ هه‌ڤبرینا هه‌ڤ كه‌ن، ل دووماهیێ‌ ژی، ئه‌مریكا پێنگاڤێن رژد هاڤێتن كو پێگه‌هێ‌ خوه‌ ل هه‌رێمێ‌ بدانن و ئه‌وان داخوازا هێزه‌كا موكم كریه‌، هه‌ر وه‌سا وه‌كو ل سه‌ر زارێ‌ دوگلاس و مه‌كگورك دانپێدان ب چاكی و باشیا حوكمه‌تا نێچریڤان بارزانی كر، نه‌مازه‌ هه‌ڤده‌مه‌ ل گه‌ل بانگه‌شه‌یا هه‌لبژارتنێن عیراقێ‌، وه‌كو نێچیرڤان بارزانی ئاماژه‌ دایی كا چاوا مژارا بنه‌مایانه‌ دوپات كره‌ڤه‌ كو جیهانا پێشكه‌فتی یا ڕۆژئاڤایی ل سه‌ر بنیاتدان كو ب شێوه‌یه‌ك كو پێشمه‌رگه‌ ل به‌ره‌یێ‌ جیهانی پێشكه‌فتیه‌ و ل گه‌ڵ سه‌رباز و ئه‌فسه‌رێن ئه‌مه‌ریكا و هه‌ڤپه‌یمانیا نێڤده‌وله‌تی، شه‌ڕێ‌ تیرۆرێ كر و پێكڤه‌ به‌رگری ل وان به‌هایانه‌ دكر.

ره‌نگه‌ بۆ ده‌مه‌كێ‌ نێزیك ژی شانێ‌ پێشمه‌رگه‌ی به‌ر ب باشتر بكه‌ت، هه‌كه‌ هات و مفا وه‌رگرت ژ كارێن پارێزه‌یێ‌ و پاراستنا وان كونسلخانه‌یێن گرنگ كو ل هه‌ولێرا پایته‌خت ل به‌ره‌ بهێنه‌ دانان، ئه‌و مژارا رێخستنا پێشمه‌رگه‌ی د ناڤ قولپا ناتۆ دا، ژبه‌ر گه‌له‌ك ئه‌گه‌ران، هه‌ر وه‌كو هه‌بوونا باوه‌ریه‌كا موكم ل سه‌ر دلسۆزیا پێشمه‌رگه‌ی كو به‌ری نها ژی سه‌ركه‌فتن ب ده‌ستڤه‌ئینایی ل شه‌رێ‌ دژی داعشێ‌ و شكه‌ستنا هه‌یبه‌تا ئه‌فسانه‌یا داعش، كو له‌شكره‌كێ‌ جۆراتی بوو، ب به‌راوردی ل گه‌ل له‌شكرێن ده‌وروبه‌ر ل ده‌ڤه‌رێ‌، هه‌روه‌سا حنێرا مه‌زنا پێشمه‌رگه‌ی ل دژی هێرشێن حه‌شه‌دا شه‌عبی و ده‌ستێ‌ وه‌لاتێن ده‌وروبه‌ر ڤه‌، زێده‌باری پێگیریا وێ‌ بۆ سه‌ركرده‌یا خوه‌، هه‌روه‌سا ژی ب خۆبه‌خشی ئه‌ركێ‌ خوه‌ ئه‌نجامدایی و چه‌ندین شه‌هید پێشكێشكرینه‌، ئه‌نجام ژی بۆ ئه‌مریكا و ستراتیجیا وێ‌ هاته‌ هه‌ژمارتن، دوور ژ چه‌كێ‌ پێشكه‌فتی و هێزێن ئه‌سمانی، گرنگ ئه‌وه‌ كو هێزا پیاده‌ ل سه‌ر ئه‌ردی و سنگ ب سنگێ‌ ڤن چه‌كدارێن تیرۆرست، هه‌رچه‌نده‌ ژی كێم مابوو ئاریشه‌یێن مه‌زن ب سه‌ر ملله‌تێ‌ مه‌ دا بهێن و ئه‌و حنێر ژی ژناڤبچیت، هه‌كه‌ ئه‌و سیاسه‌تا ئه‌قلانه‌ و ژیر یا حوكمه‌تا هه‌رێمێ‌ نه‌با، شیا ده‌ستێ‌ خرابیێ‌ رابگریت و پاشڤه‌ ببه‌ت، ب هێز و ب سیاسه‌تا نه‌رم ژی ڤی ده‌ستكه‌فتی بپارێزیت، دوور نابینم پاتریۆس د هاوا پێشمه‌رگه‌ی بهێت و بێخیته‌ د خانه‌یه‌كا نیزامی و رێكوپێكی دا، ئه‌ڤجا دێ‌ وه‌رار و ئه‌ڤه‌دانی و پێشڤه‌چوون ل هه‌رێمی ژ ره‌خه‌كی ڤه‌ هێته‌ دی و ژ ره‌خه‌كێ‌ دی ڤه‌ ژی، هێزا پێشمه‌رگه‌ی گه‌شه‌تر و ب هێزتر بیت، كو بكاریت به‌رگریێ‌ ژ مه‌زنه‌ سازیێن سیاسی یێن ئه‌مریكی و كۆمه‌له‌هێن كۆنسلخانه‌یان كه‌ت، نه‌به‌س ئه‌مریكی به‌لكو یێن جیهانی ژی، ل گه‌ل ڤێ‌ چه‌ندێ‌ ژی ژ گه‌لێ‌ كورد وكوردستانی ل هه‌رێما كوردستانێ‌. كو جاره‌كا دی چو هێزێن هۆڤ نه‌هێت زۆریێ‌ ل ڤی وه‌لاتی بكه‌ن، ب وژدان هه‌كه‌ بێژیت ره‌نج و قه‌نجیا ڤێ‌ سه‌ركه‌فتنێ‌ ژی بۆ كێ‌ دزڤریت، هه‌لبه‌ت سه‌رۆكێ‌ حوكمه‌تا هه‌رێمێ‌ و ئه‌م زه‌حمه‌تا وی پێڤه‌ دیتیی!

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.