كۆمسیۆن: فشاره‌كا مه‌زن بۆ گوهۆرینا ئه‌نجامان ل كه‌ركووكێ هه‌یه‌

كۆمسیۆن: فشاره‌كا مه‌زن بۆ گوهۆرینا ئه‌نجامان ل كه‌ركووكێ هه‌یه‌

WAAR-دهۆك:

سه‌رۆكێ كۆمسیۆنا هه‌لبژارتنان راگه‌هاند؛ فه‌رمانبه‌رێن وان ل كه‌ركووكێ ژ ئالیێ میلیشیایان ڤه‌ هاتینه‌ دۆرپێچ كرن و گه‌فا كوشتنێ لێ دهێت كرن.
ریاز به‌درا سه‌رۆكێ كۆمسیۆنا بلندا سه‌ربخۆ یا هه‌لبژارتنان ل ئیراقێ دیاركرییه‌، ژبۆ گوهۆرینا ئه‌نجامێن هه‌لبژارتنان ل كه‌ركووكێ، فشاره‌كا مه‌زن ژ ئالیێن هنده‌ك هێز و میلیشیایێن چه‌كدار ڤه‌ ل كه‌ركووكێ ل وان دهێن كرن و گۆت: فه‌رمانبه‌رێن وان ژ ئالیێ وان میلیشیا ڤه‌ د بنگه‌هێن ده‌نگدانێ ڤه‌ ل كه‌ركووكێ هاتینه‌ دۆرپێچ كرن.
سه‌رۆكێ كۆمسیۆن هه‌روه‌ها ئاماژه‌كر، هنده‌ك ئه‌ندامێن جڤاتا كۆمسیاران ژی ل كه‌ركووكێ ب دیل هاتینه‌ گرتن و داخواز ژ ده‌ستهه‌لاتێ كر وان ب پارێزیت.
پشتی ده‌ركه‌فتنا ئه‌نجامێن كه‌ركووكێ ره‌وش ل وێ پارێزگه‌هێ ئالۆز بوویه‌ و لیستێن ئه‌ره‌بی و به‌ره‌یا توركمانی ژی ئه‌و ئه‌نجام ره‌ت كرینه‌ و خواستینه‌ ده‌نگ ب ده‌ست بهێن هه‌ژمارتن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.