كچ د ناڤبەرا ژیان‌ و خوه‌سۆتنێ‌ دا

كچ د ناڤبەرا ژیان‌ و خوه‌سۆتنێ‌ دا

Capture

وار – رەمەزان هەرنی :

خوه‌سۆتنا كچان د جڤاكێ‌ دا، ئه‌و دیارده‌یه‌ كو دهێته‌ گۆتن چەندین كچ دبنە قوربانیێن گۆتنەكێ،‌ ب ڤێ ئێكێ ژى بێهیزییا كچێ‌ د مال و جڤاكی دا دهێته‌ دیاركرن، و چارەسەرییا ڤێ‌ دیارده‌یێ‌ هه‌ر بۆ كچێ‌ ڤه‌دگه‌ڕینن، ئەو ژی خوه‌بهێزكرن د جڤاكی دا.

خوه‌سۆتنا كچان د جڤاكێ‌ دا، ئه‌و دیارده‌یه‌ كو دهێته‌ گۆتن چەندین كچ دبنە قوربانیێن گۆتنەكێ،‌ ب ڤێ ئێكێ ژى بێهیزییا كچێ‌ د مال و جڤاكی دا دهێته‌ دیاركرن، و چارەسەرییا ڤێ‌ دیارده‌یێ‌ هه‌ر بۆ كچێ‌ ڤه‌دگه‌ڕینن، ئەو ژی خوه‌بهێزكرن د جڤاكی دا.

سولاڤ عەلی وه‌كو كچه‌ك لدۆر خوه‌سۆتنا كچان دبێژیت: ”خوه‌سۆتنا كچان بەری شووبكەت، بۆ چەند سه‌ده‌مه‌كان ڤه‌دگه‌ڕیت، یا ئێكێ‌ بێهێزییا كچێ‌ د جڤاكی دا كو كچ هزردكەت هه‌كەر خوه‌ بسوژیت، دێ‌ هەمی ئاڕێشه‌یێن وێ‌ چارەبن، یا دووێ‌ لێكتێنەگەشتنا دناڤبەرا كچێ‌ و مالێ‌ و جڤاكی دا، زێدەباری ڤێ كچ یا بهێنفرەهـ نینە، لەو گه‌له‌ك تووشی ئاڕێشه‌یان دبیت، سه‌ده‌ما سەرەكیێ‌ خوه‌سۆتنا كچان ژى خەلكە، ئانكو جڤاك، ژبه‌ركو جڤاكی كاریگەرییا خوه‌ لسەر دەروونێ‌ كچێ‌ هه‌یه‌، ئه‌ڤجا مخابن ئەڤرۆ د جڤاكێ‌ مە دا خوه‌سۆتنا كچان بوویە دیارده‌، ئانكو چاڤلێكرن”.

نەمرین مێڤان كچەكا دییە، كو گۆت: ”ئه‌و كچا به‌رى شووكرنێ، خوه‌ دسوژیت، ڤێ كریارا وێ چه‌ند سه‌ده‌مه‌ك هه‌نه‌، یا ئێكێ‌ خیزان سه‌ده‌ما‌ سەرەكییە كو كچ خوه‌ بسوژیت، ژبه‌ركو خووشكا من د كەربێت بابێ‌ من دا خوه‌ سۆت، ژبه‌ركو حەزژ كوڕەكی دكر و بابێ‌ من ژی رازینەبوو بده‌تى، له‌و خووشكا من ژی خوه‌ سۆت، سه‌ده‌ما دووێ‌ كچ دبیتە سه‌ده‌م كو خوه‌ بسوژیت، بلا گوهێ‌ خوه‌ نەدەتە گۆتنێن خەلكی، كەس نەشێت دەڤێ خەلكی بگریت، له‌و دڤێت كچ ب خوه‌ ژیانا خوه‌ بپارێزیت، نەكو بدەتە دەستێ‌ كەسێ‌، ئەڤرۆ نە ئەز و خووشكا خوه‌ ب تنێ‌، بەلكو د جڤاكی مە دا ب سەدان كچێن وەك مە دبن دارێ‌ بابی دا دژین.
شیرین ئەحمەد لدۆر هەمان بابەت دبێژیت: ”ئەڤرو د جڤاكێ مە دا خەلك ب چاڤەكێ‌ كێم سەحدكەنە شیانێن كچێ،‌ فەرە بێژم برایێ من دبێژیتە من هه‌كەر هزار جاران خواندنێ ب دووماهى بینی، رێیێ‌ نادەمە تە چو ده‌وامان بكه‌ى، ژبه‌ركو كچ نە یا باوەرێیە و ئەز نەشێم هەر رۆژ ئێك بیژیتە من خووشكا تە ل ده‌وامێ یا هۆ كریێ، لەو كچ پەنایێ‌ بۆ خوه‌سۆتنێ‌ دبەت، ئەڤە ژی دابونەریتێن جڤاكێ‌ مەنە، ئه‌ڤجا خوزی رۆژەك هاتبا، من مافێ‌ بڕیاردانێ‌ بۆ تشتەكێ‌ بچووك ژی د خێزانا خوه‌ دا هەبا، پاشی بلا ئەز وی دەمی مربام”.
مەحبوبە حسیەینی چالاكا وارێ‌ ژنان لدۆر خوه‌سۆتنا كچان گۆت: ”خوه‌سۆتنا كچان بەری شووكەت، بوویە دیاردە ل جڤاكێ كوردستانێ‌ و ل هەموو پارچێن كوردستانێ‌ روودەت، لەو دبێژنێ‌ دیاردە. ژبه‌ركو زێده‌بوویه‌ و دزڤریتەڤە بۆ گەلەك سه‌ده‌مان، ژ وان؛ لاوازییا كەسایەتیا كچێ‌ و بندەستییا وێ د مالێ‌ دا، له‌و دەمێ‌ دبینیت كو د مال دا یا بندەستە، چو تشتان پێش چاڤێن خوه‌ نابینیت ژبلى خوه‌كوشتن و خوه‌سۆتنێ‌، لەو چو جاران كەسێ‌ لاواز نەشێت خوه‌ لبەر فشارەكا دەروونی بهێز بگریت، ئەو كەسێ‌ كەسایەتییا وی لاوازبیت یا بێهیزبیت. هه‌كەر دەرفەت بۆ كچێ‌ هەبیت گەلەك باش دێ‌ شێت كەسایەتیێ‌ بدەست خوه‌ڤە ئینیت كو وێ‌ لاوازیێ‌ بكەتە هیز، ب رەنگەكی گشتی كەسایەتییا كچێ‌ بۆچى بدەست ڤەناهێت؟ ژبه‌ركو یا شەرمینە، نەشێت بەرگریێ‌ ل خوه‌ بكەت، نەشێت مافێن خوه‌ بدەست ڤەبینیت، هه‌كەر كچ د خێزانێ دا هزربكەت كەسێ‌ ئەو نەڤێت، چو رێیان نابینیت، ئەو دێ یا بێهیزبیت د دەرونێ‌ خوه‌ دا و نەشێت پرێن نوو دگەل جڤاكی چێكەت، كچێ‌ چ ستراتیژیەت بۆ چارەسەركرنا ئاڕێشەیێن خوه‌ نینە، لەو ژی كچ دمینیت بێ‌ هیڤی و په‌نایێ بۆ خوه‌كوكوشتن و خوه‌سۆتنێ دبه‌ن”.

بابه‌تێن ب ڤێ مژارێ ڤه‌ گرێدای