كچێن ئیرانێ نیڤه‌كا بودجه‌یا وه‌لاتێ خوه‌ بۆ جلكان دمه‌زێخن

كچێن ئیرانێ نیڤه‌كا بودجه‌یا وه‌لاتێ خوه‌ بۆ جلكان دمه‌زێخن

Capture

وار – دهۆک :

د هه‌یاما ساله‌كێ دا‌ 37 ملیۆن ژنێن ئێرانێ چار جاران مانتۆ و په‌نته‌رۆن و ده‌رسۆكێن ئیرانى كڕینه‌، بهایێ هه‌موو ڤان جلان ژى هندى نیڤه‌كا بودجه‌یا گشتییا ده‌وله‌تی ئیرانێیه‌.
مالپه‌ڕێ (ئابوورى نیوز) یێ ئیرانى به‌لاڤكرییه‌ كو د هه‌یاما ساله‌كێ دا 37 ملیۆن ژنێن ئێرانێ چار جاران مانتۆ و ده‌رسۆك و په‌نته‌رۆنێن ئیرانى دكڕن، كو بهایێ هه‌ر مانتۆ و په‌نته‌رۆنه‌كى50 هزار تیمه‌نن و بهایێ ده‌رسۆكه‌كا ئیرانى 10 هزار تیمه‌نن‌، ئه‌ڤجا ب ڤێ ئێكێ ژى هه‌ر ژنه‌كا ئیرانى سالانه‌ 440 هزار تیمه‌نان ل‌ كڕینا ڤان جلان بۆ خوه‌ خه‌رج دكه‌ت.
ل گۆره‌ى وێ ئامارێ ژى بیت د هه‌یاما ساله‌كێ دا 37 ملیۆن ژن چار جاران جلان بۆ خوه‌ بكڕن، ئه‌و د هه‌ر ساله‌كێ دا هه‌وجه‌ى 16 هزار ملیار تیمه‌نانن بۆ بده‌ست ڤه‌ئینانا ڤان جلێن كو ئاماژه‌ پێ هاتییه‌دان، ئه‌ڤ خه‌رجییا وان جلان ژى دبیته‌ نیڤه‌كا وێ بودجه‌یا پشته‌ڤانییا ساله‌كا وه‌لاتێ ئیرانێ، كو بودجه‌یا ساله‌كا ئیرانێ 36 هزار ملیار تیمه‌نێن ئیرانینه‌.
ئه‌ڤ ئاماره‌ ب تنێ بۆ وان ئه‌و ژنایه‌ كو هه‌موو جلان بكاردئینن بۆ ڤه‌شارتنا هه‌موو له‌شێ خوه‌، ئه‌و ئێكه‌ ژى به‌لاڤكرییه‌ كو ئامارا سه‌یرتر د كڕینا جلێن ره‌نگێ ره‌ش دایه‌ كو زێده‌تر ژن ڤى ره‌نگێ جلى دكڕن.
ب ‌پشتبه‌ستن ب وان ئاماران پارچه‌یا قوماشێ ژاپۆنى ل پشكه‌ك ژ بازاڕێن باژێڕێ ته‌هرانا پایته‌ختێ ئێرانێ گرانترین پارچه‌یێن قوماشییه‌ كو بهایێ ئێك مترا وى‌ 250 هزار تیمه‌نه‌.

بابه‌تێن ب ڤێ مژارێ ڤه‌ گرێدای