كى ل به‌ندا ڤێ گهورینێ نه‌بوو؟!

كارزان فه‌قى

داوى كۆمبوونا جڤاتا وه‌زیرێن هه‌رێمێ ل دۆر گهورینا سیسته‌مێ پاشكه‌فتا مووچه‌یێ فه‌رمانبه‌ران، نووچه‌یێن دلخوه‌شكه‌ر ژ بۆ فه‌رمانبه‌رێن هه‌رێمێ دناڤدا بوون، ره‌نگه‌ ئه‌ڤ گهورینا حكومه‌تا هه‌رێمێ د خشته‌یا مووچه‌ى دا كرى، ل دووڤ حه‌ز و داخوازیێن مووچه‌خۆران بیت، لێ بێى دو دلى ل دووڤ حه‌ز و پلانیێن پارت و سیاسه‌تڤانێن دژه‌ حكومه‌تێ نینه‌، چۆنكى پارتێن وه‌كو گۆران و كۆمه‌ل و ئێكگرتوو و هه‌ڤپه‌یمانییا به‌رهه‌م سالحى و به‌شه‌كێ ئێكه‌تیێ، هیچ ده‌مه‌كى ب پلان و پرۆژه‌یێن خوه‌ نه‌شیاینه‌ خه‌لكێ كوردستانێ ل ده‌وروبه‌رێ خوه‌ كۆمڤه‌ بكه‌ن، به‌لكو هه‌ر ده‌ما خه‌لك ب ده‌نگه‌كێ نه‌رازى ل جهه‌كێ خرڤه‌دبوو، وى ده‌مى وان قه‌ستا ناڤا وێ خرڤه‌بوونێ دكر و دبوونه‌ ده‌ستێ راستى نه‌رازیبوویان، د هه‌مان ده‌مدا ئه‌و دژى هه‌موو وان دروشمێن خوه‌نیشانده‌ران بوون و ئه‌گه‌رێن برسیكرن و برینا موچه‌یێن وان بوون، لێ بزاڤێن حكومه‌تا هه‌رێما كوردستانێ و گهورینا پاشكه‌فتا موچه‌یێن فه‌رمانبه‌ران، ئه‌و پارتێن بچووكێن سیاسى هه‌م بێ پلان و هه‌م ژى بێ خرڤه‌بوونێن نه‌رازى هێلان، كه‌واته‌ سه‌ره‌دانێن وان پارتان بۆ به‌غدایێ و ئامۆژگارى كرنا ده‌سته‌لاتدارێن به‌غدایێ ژ بۆ برسیكرنا خه‌لكێ هه‌رێمێ سه‌رنه‌گرت و به‌غدا ل دژى پێشنیار و بۆچوونێن وان بریاردا و دێ سه‌ره‌ده‌ریێ ل گه‌ل حكومه‌تا هه‌رێمێ كه‌ت، مه‌هانه‌ ژى دێ 317 ملیار دیناران بۆ هه‌رێمێ هنێرێت و ل گه‌ل داهاتێ ناڤخوه‌ حكومه‌تا هه‌رێمێ شیا گهورینه‌كا مه‌زن و به‌رچاڤ د پاشكه‌فتا مووچه‌ى دا بكه‌ت، بێگومان ئه‌ڤه‌ داوى گهۆرینا حكومه‌تێ نابیت و هه‌روه‌كو د پریسكۆنفرانسا نێچیرڤان بارزانى سه‌رۆكێ جڤاتا وه‌زیرێن هه‌رێمێ و وه‌زیرێ دارایی ژى ئه‌و یه‌ك هاته‌ دووپاتكرن كو به‌رنامێ بهێت یێ حكومه‌تێ ئه‌وه‌، دێ بزاڤێ كه‌ن به‌ره‌ به‌ره‌ ئه‌و پاره‌یێ فه‌رمانبه‌رێن هه‌ڕێمێ كو هاتییه‌ پاشكه‌فتكرن بۆ فه‌رمانبه‌ران بهێته‌ ڤه‌گه‌راندن. پشتى 16ى ئكتۆبه‌رێ و تا نها حكومه‌تا هه‌رێما كوردستانێ شیا گه‌له‌ك پلانێن پارتیێن سیاسیێن ‌هه‌رێمێ بۆ برسیكرنا خه‌لكى و ئالۆزكرنا ره‌وشا هه‌رێمێ ژناڤ ببه‌ت، هه‌روه‌كو چه‌وا ل رۆژێن بۆرى مه‌ دیتى كو ب هه‌موو ره‌نگان هه‌ول دهاته‌ دان، رێره‌وێ خوه‌نیشاندانێ ژ داخوازكرنا مافان بهێته‌ گهۆرێن بۆ دیمه‌نه‌كێ سیاسى و كرێتكرنا هێزێن ئیمناهیێن هه‌رێمێ، ئه‌گه‌ر تا راده‌یه‌كێ ژى سه‌رگرتبیت، لێ بێ ئه‌نجام ب داوى هات و تنێ خوه‌نشانده‌رێن خوه‌دان داخوازیێن ره‌وا سه‌ركه‌فتن و ئه‌وا ئه‌ڤرۆ ل جڤاتا وه‌زیرێن هه‌رێمێ ژى هاته‌ كرن، ئێك ژ وان داخوازییان بوو. لێ نووچه‌یه‌كێ نه‌خوه‌ش و مزگینیه‌كا ره‌شبوو بۆ وان پارتێن سیاسى كو ره‌وشا ناله‌بار یا دارایی یا فه‌مانبه‌ر‌ان بخوه‌ دكرنه‌ ده‌لیڤه‌ ژ بۆى كو حزبێن ده‌سته‌لاتدار پێ تاوانبار بكه‌ن و خوه‌ ب شاما شه‌ریف نیشان بده‌ن، دده‌مه‌كى دا ئه‌و بخوه ‌بۆ ده‌ما سێ سال و نیڤان ل گه‌ل ڤێ كابینێ ده‌سته‌لاتداربوون و د شه‌ش مه‌هێن دووماهیێ خوه‌ ڤه‌كێشان، له‌ورا خه‌لك و موچه‌ خۆر د هشیارن و دزانن كینه‌ بزاڤا چاره‌كرنا كێشه‌یان دكه‌ن و كینه‌ حه‌ز دكه‌ن كێشه‌ هه‌بن و جاده‌یا هه‌رێمێ هیچ ده‌مه‌كى ئارام نه‌بیت، ئه‌و پێشنیارێن ژلاێ وان پارتان ژ بۆ عه‌بادى ژى هاتینه‌ كرن هه‌موو دژى ئه‌نجامێن داوى كۆمبونا حكومه‌تا هه‌رێمێ بوون، له‌ورا ئه‌و حزب و سیاسه‌تڤانێن كوردستانێ كو ژبۆ برسیكرنا خه‌لكى دچوونه‌ به‌غدایێ ئه‌و ژ بۆ رها خوه‌ چووبوون، لێ وان سمبێل ژى ل سه‌ر دانا.

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.