كورسی بۆ مێركلێ هات دانان

كورسی بۆ مێركلێ هات دانان

WAAR-دهۆك:

شیره‌تكارا ئه‌لمانیا ئه‌ڤرۆ پێشوازی ل سه‌رۆكوه‌زیرا نوو یا دانیماركێ كر لێ ژبۆ پاراستنا ساخله‌میا وێ كورسییه‌ك بۆ هات دانان.
ئه‌نگێلا مێركل كو د ڤێ مه‌هێ دا د سێ رێوره‌سمێن جودا یێن فه‌رمی دا تۆشی له‌رزینێ بوویه‌، لێ بۆ دوباره‌نه‌بوونا وێ یه‌كێ ئه‌ڤرۆ كورسی بۆ هاته‌ دانان بۆ وێ یه‌كێ گه‌له‌ك سه‌ر پیا نه‌مینیت و وه‌ك دیاربووی ره‌وشا وێ باشتره‌.
مێركلێ گۆت: وێ سه‌ره‌دانا نۆشداری كرییه‌ و ئه‌و گرنگیێ ب ساخله‌میا خوه‌ یا تایبه‌ت دده‌ت، هه‌ڤده‌م ئه‌و به‌رپرسیارییا كارێن خوه‌ یێن سیاسی دپلۆماسی دزانیت و ژ شیانێن خوه‌ پشتراسته و پێدڤی دلگرانیێ ناكه‌ت، لێ ناڤێ نه‌خوه‌شیا خوه‌ دیار نه‌كر‌.
ل دۆر نێزیكبوونا رۆژبوونا وێ یا شێست و پێنجێ و رامانا وێ رۆژێ ل ده‌ڤ وێ، مێركلێ گۆت رامانا وێ ئه‌وه‌ كو مرۆڤ گه‌نجتر نابیت لێ سه‌ربۆرێن مرۆڤ پتر دبن له‌ورا هه‌ر تشته‌كی ئالیێ خوه‌ یێ باش ژی هه‌یه‌.
ل ڤێ داویێ مێركل ژ ئالیی دپلۆماسی ڤه‌ گه‌له‌ك چالاك ده‌ردكه‌ڤیت و بریاره‌ پشكداری رۆژا نیشتمانی یا فره‌نسا ژی ببیت.

بابه‌تێن ب ڤێ مژارێ ڤه‌ گرێدای