كوردستان د ناڤبه‌را پیلانگێڕییا ده‌ره‌كی و ناڤخۆيی دا

فارۆق یووسف سلێمان :

جوبران خه‌لیل دبێژیت (ئه‌گه‌ر ته‌ دیت خه‌لك هه‌می دژی ته‌ یه‌ و ره‌نگ نه‌ ژ ره‌نگێن ته‌نه‌, ده‌ست ژ پرنسیپێ‌ خۆ به‌ر نه‌ده‌ و بتنێ‌ لسه‌ر رێكاخۆ هه‌ره‌ .چونكى‌ بتنێ‌ باشتره‌ ژهندێ‌ كو تو دژی خۆ بژی داكو یێ‌ به‌رانبه‌رى خۆ رازی بكه‌ی(.
ئه‌نجامدانا كومبوونا په‌ڕله‌مانی ل 23/6 خواندنه‌كا به‌روڤاژی بوو بۆ پرۆسه‌یا سیاسی ل هه‌رێما كوردستانێ‌ چونكى‌ هه‌می كاره‌ك ب سازان برێڤه‌ چوینه‌ هه‌تا نوكه‌ و‌ حوكمه‌تا بنكه‌فراوان ژی لسه‌ر ڤی بناغه‌ى‌ هاتیه‌ دامه‌زراندن, و لێڤه‌ بوونه‌ك بۆ ژ هه‌می رێكه‌ڤتن وسوزێن هه‌رچوار پارتێن سه‌ره‌كی یێن كوردستانێ‌ كو دابوونه‌ پارتی كو چ پرۆژه‌یان پێشكیشی په‌ڕله‌مانی نه‌كه‌ن, ئانكو سازان لسه‌ر بهێته‌كرن پاشان بچیته‌ په‌ڕله‌مانی. هه‌ر وه‌كی ئه‌و سه‌رۆك په‌ڕله‌مانێ‌ نه‌شیای بێ‌ لایه‌نیا خۆ لپه‌ڕله‌مانی راگریت ئه‌و ژی ب سازان چوویه‌ سه‌ر وێ‌ كورسیكا پیرۆز, ژخواندنا سه‌قایێ‌ كومبوونێ‌ و به‌رهه‌ڤبوونا كونسلێن بیانی و بتایبه‌تی كونسلێ‌ ئیرانێ‌ پێڤه‌ دیار بوو كو بڕیارا ئه‌نجامدانا ڤێ‌ كومبونێ‌ بڕیاره‌كا ئیرانی بوو دژی پارتی, ئه‌نجامده‌رێن ڤێ‌ كومبوونێ‌ یاسا سه‌رۆكاتیا هه‌رێمێ‌ بخو كریه‌ چه‌كه‌ك دژی پارتى بكار دئینن بۆ بده‌ستڤه‌ئینانا ده‌ستكه‌ڤتان ژ كیستێ‌ پارتی و دیسان په‌یداكرنا پشته‌ڤانیێ‌ و پاره‌ی ژ ده‌وله‌تێن ده‌ور و به‌رو و ئیراقێ‌ ئانكو هه‌رپارته‌كا بڤێت تشته‌كی بده‌ستخۆڤه ‌بینیت دی چیته‌ د كوشا ئیكێ‌ ژ نه‌حه‌زێن پارتی دا, بۆ وان پارتا كاره‌كێ‌ ئاسانه‌ چونكى ببیته‌ ته‌نگاڤی ژی دی پێش خه‌لكی كه‌ڤن و بێده‌رێ‌ هێلنه‌ ب هیڤیا پارتیڤه‌ وه‌كو شه‌ڕێ‌ داعش كو نێزیكترین سه‌ربوره‌, ئه‌رێ‌ پرسیار بۆ هه‌می لایه‌كی كو دڤێت هزر لێ بهێته‌ كرن بۆچی پارتی هنده‌ دوژمن هه‌نه‌ بۆچی هنده‌ پلان دژی وی دهێنه‌ راچاندن؟ چونكى پارتی ئیكه‌م پارتا هه‌لگرێ‌ پرۆژه‌یێ نه‌ته‌وه‌ییه‌, دیسان كومبونا 23\6 نه‌ رحه‌تییه‌ك ئێخسته‌ جادا كوردی كو هه‌می وه‌لاتی پێ‌ دلگران بوون بێهنا دوبه‌ركیێ‌ ژێ دفری, ده‌رزێ‌ د ئیك رێزیا مالا كوردی ژ ڤێره‌ و حه‌له‌بێ‌ تێڕا دیار دكر, بێرێزیه‌ك بوو ل خوینا پتر ژ هزار شه‌هیدێن شه‌رێ‌ داعشێ.
هنده‌ك لایه‌ن و پارتێن سیاسی هه‌ست ب مه‌ترسیا ڤێ‌ یاریێ‌ كر نه‌كه‌ڤتنه‌ بن ڤی باری وه‌ك هه‌لویستی سه‌ركردایه‌تیا ده‌ڤه‌را بادینان یا ئێگگرتووی ئیسلامی كوردستان, راسته‌ نه‌ ژبه‌ر پارتی بوو ب پله‌ ئیك لێ‌ راوه‌ستانه‌ك بوو دژی پروژه‌یێ‌ ئیرانێ‌ ل كوردستانا باشور, چاك دزانن ئه‌ڤ كێشه‌ ب سازانه‌كا نیشتیمانی نه‌بیت ناهێته‌ چاره‌سه‌ركرن, دیسان كوردستان یا د كۆمه‌كا قه‌یرانان دا دبۆریت زێده‌باری شه‌ڕێ‌ داعش كو تا نوكه‌ پێڤه‌ دیار نینه‌ كا دووماهیك چیه؟.
هزرا ئیكه‌تیێ‌ دڤێت تیژتربا و دڤێت لپێش چاڤێن وێ‌ با كو هه‌ڤپیمانا پارتی یا ستراتیژی بوو و پۆستێ‌ سه‌رۆك كۆماری به‌رانبه‌ر چ بوو ئه‌گه‌ر پارتی نه‌با نوكه‌ ئێكێ‌ سونه‌ لجهێ‌ وی بو,دڤێت ئیكه‌تیێ‌ زانی با به‌ری ماوه‌كی یا ژ سه‌ركه‌راتا مرنێ‌ ده‌ركه‌ڤتی ئه‌گه‌ر پارتی ڤیابا دا ژناڤكبه‌ت وه‌ چه‌ندین ئه‌ندامێن سه‌ركردایه‌تیا ئێكه‌تێ‌ په‌یوه‌ندی ب پارتی كر كو بهێنه‌ ناڤڕێزێن وێ‌ لێ‌ رازی نه‌بوو, دیسان دحوكمه‌تا بنكه‌ فراوان دا ئێكه‌تی باش دزانیت كو ئه‌و پۆست هه‌می نه‌ مافێ‌ وان یێ هه‌لبژارتنانه‌, لێ‌ پارتی دانێ‌ بۆ بلند راگرتنا به‌رژه‌وندا كوردایه‌تیێ‌.
بزاڤا گۆڕان ئه‌گه‌ر ده‌رمانێ‌ چاره‌سه‌ریا كێشا مه‌ سازدان نه‌بیت,پا بۆچی بزاڤا گۆڕان ل سلێمانیێ هه‌می پۆسته‌ك نه‌وه‌رگرتن سه‌ره‌رای كو حزبا ئێكێ‌ بو ل هه‌لبژارتنان, یان جێگرێ‌ سه‌رۆكی په‌ڕله‌مانێ‌ ئیراقێ‌ چاوا وه‌رگرت و به‌هرا پارتی بوو لێ‌ پارتی بۆ ئێكرێزی داگێڕان ژیكر.
لێ‌ دڤێت هه‌ر ‌چار لایه‌نێن سه‌ره‌كی بزانن كو ئه‌ڤا ل 23/6چێبووی نیڤا گێمی بوو و نیڤا دی وه‌سا نابیت دێ‌هه‌ر ئێته‌سه‌ر راستیێ‌ دیرۆك و خه‌بات به‌رزه‌نابن، خه‌لك باش دزانن كینه‌ خودانین ڤی ملله‌تی ئه‌ڤجا سه‌رۆك بین یان نه‌, باشترین سیسته‌م سه‌رۆكایه‌تییه‌,دێ‌ شه‌رعییه‌تا خۆ راسته‌خۆ ژ خه‌لكی وه‌رگریت, هه‌یبه‌تا سه‌رۆكێ‌ هه‌رێمێ‌ د ده‌ستهه‌لاتێن وی دایه‌ وه‌ دڤێت خودان بڕیار بیت نه‌ وه‌كی سه‌ررك كومارێ‌ ئیراقی بیت تنێ‌ وه‌ك ناڤ سه‌ررك كوماره‌ ئه‌گه‌ر نه‌ كانێ‌ تاكو ئه‌ڤرر چ بوو هه‌رێمێ‌ كریه‌ وه‌ك بودجه‌ و موچه‌ و چه‌ك بۆ پێشمه‌رگه‌ی….هتد.
یا ژ هه‌میێ خراپتر چو ژ ڤان چوار لایه‌نان كاندیدێ‌ خۆ دیار نه‌كریه‌ بۆ ڤی پۆستی. ل هه‌می دونیایێ ملله‌تان سمبولێن خوه‌ هه‌نه‌ و هه‌می ملله‌ت رێزی لی دگرن وه‌ وه‌كو لێڤه‌ گه‌ره‌ك سه‌ره‌ده‌ریێ‌ دگه‌ل دا دهێته‌ كرن, دیرۆك لسه‌ر دنڤێسیت ,بۆ به‌ره‌بابێن دوڤدا وه‌ك دیرۆك بۆ دهێته‌ گۆتن.

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.