كه‌نالێ وار سپۆرت دێ یاریێن خولا كوردستانێ ڤه‌گوهێزیت

كه‌نالێ وار سپۆرت دێ یاریێن خولا كوردستانێ ڤه‌گوهێزیت

وار – دهۆک :

رێڤه‌به‌رێ به‌رنامه‌یان ل كه‌نالێ وار سپۆرت راگه‌هاند كو ئه‌و گه‌هشتنه‌ رێككه‌ڤتنه‌كێ دگه‌ل ئێكه‌تییا ته‌پاپێی یا كوردستانێ ژبۆ ڤه‌گۆهاستنا یاریێن مایی ژ خولا پلا نایاب.
زێده‌تر ئێحسان حه‌سه‌ن بۆ رۆژنامه‌یا وار گۆت، پشتی چه‌ندین كۆمبوون و دانوستاندنان دگه‌ل ئێكه‌تییا ته‌پاپێی یا كوردستانێ كه‌نالێ وار سپۆرت دێ بفه‌رمی یاریێن مایی ژ خولا كوردستانێ یا ته‌پاپێی بۆ یانه‌یێن پلا نایاب بشێوه‌یه‌كێ ئێكسه‌ر ڤه‌گۆهێزیت و ئێكه‌م یاریی دێ یا رۆژا پێنجشه‌مبی بیت یا دێربیێ پارێزگه‌هێ دناڤبه‌را یانه‌یا زاخۆ و دهۆك ئه‌وا دێ ل یاریگه‌ها ده‌لال ل باژێرێ زاخۆ هێته‌كرن.
هه‌روه‌سان ناڤبری دیاركر كو ئه‌ڤ پێنگاڤه‌ هاته‌ هاڤێتن ژبۆ پێشئێخستنا وه‌رزشا هه‌رێما كوردستانێ و زێده‌تر پووته‌دانا ب یاریێن خولێ، هه‌روه‌سان ده‌ستخووشیا ئێكه‌تییا ته‌پاپێی یا هه‌رێمێ كر ژبۆ ڤێ پێنگاڤێ كو ئه‌ڤه‌ چه‌نده‌ دێ د به‌رژوه‌ندیا گشتی یا وه‌رزشا هه‌رێمێ دا بیت و هیڤی خواست ببنه‌ لایه‌نه‌ك بۆ پێشئێخستنا وه‌رزشێ و هه‌موو جه‌ماوه‌ر مفایی ژ دیتنا یاریێن خولێ بینن.

بابه‌تێن ب ڤێ مژارێ ڤه‌ گرێدای