كه‌شتیا ئالان كوردی 44 كۆچبه‌رێن دی رزگار كرن

كه‌شتیا ئالان كوردی 44 كۆچبه‌رێن دی رزگار كرن

WAAR-دهۆك:

كه‌شتیا ئالان كوردی یا رزگاركرنێ ئه‌ڤرۆ رزگاركرنا چل و چار كوچبه‌رێن دی ل ده‌ریا ناڤه‌راست راگه‌هاند.
كه‌شتیا ئالان كوردی كو ژ ئالیێ رێكخستنا سی ئای یا خێرخازی یا ئه‌لمانی ڤه‌ دهێته‌ رێڤه‌برن دیار كر، وان چل و چار كۆچبه‌رێن دی ل ده‌ریا ناڤه‌راست رزگار كرن پشتی ل حه‌فتیا بووری ژی شێست و پێنج رزگاركرین چار ژن و سێ زارۆك ژی ل گه‌ل دانه‌ كو ژ لیبیایێ به‌ر ب ده‌ریایێ ڤه‌ دچوون.
ل گۆره‌ی داخویانیا كه‌شتیێ، ده‌ستهه‌لاتا گراڤا مالتایێ رازی بوویه‌ كه‌شتی وان كۆچبه‌ران ل به‌نده‌رێن وێ بدانیت پشتی ئیتالیا ره‌ت كری.
حكوومه‌تا ئیتالیا ئه‌و كه‌شتیێن خێرخازی ب پشته‌ڤانیكرنا قاچاخچیان سووچبار كربوون و ره‌ت كرییه‌ كۆچبه‌ران وه‌رگرن.
ژ داویا مه‌ها بووری تا نها نێزیكی چارسه‌د كۆچبه‌ران برێیا ده‌ریایێ گه‌هشتینه‌ ئیتالیا و كۆچبه‌ربوونا به‌ر ب ئه‌ورۆپا ڤه‌ به‌رده‌وامه‌.

بابه‌تێن ب ڤێ مژارێ ڤه‌ گرێدای