كه‌ركووك.. ئێكه‌تییێ ئالایێ كوردستانێ ل سه‌ر باره‌گه‌هێن خوه‌ ئینا خوار

كه‌ركووك.. ئێكه‌تییێ ئالایێ كوردستانێ ل سه‌ر باره‌گه‌هێن خوه‌ ئینا خوار

WAAR-دهۆك:

ئێكه‌تییا نشتیمانی ئالایێ كوردستانێ ل سه‌ر باره‌گه‌هێن خوه‌ ل كه‌ركووكێ ئینا خوار و تنێ ل سه‌ر باره‌گه‌هێ مه‌كته‌با سیاسی و مه‌لبه‌ندی هێلا.
غه‌فوور سالح، جێگرێ مه‌لبه‌ندێ دویێ ئێكه‌تیێ بۆ وار راگه‌هاند؛ ئه‌ڤرۆ سپێدێ وان ئالایێ كوردستانێ ل سه‌ر هه‌موو باره‌گه‌هێن كۆمیته‌ و رێكخستنێن ئێكه‌تیێ یێن ناڤ باژارێ كه‌ركووكێ ئیناخوار و نها تنێ ئالا ل سه‌ر باره‌گه‌هێ مه‌كته‌با سیاسی و مه‌لبه‌ندێ ئێكه‌تیێ مایه‌ و وان په‌نا بۆ دادگه‌ها فیدرال برییه‌ و ل هیڤیا بریارا دادگه‌هێ نه‌.
ئه‌ڤه‌ د ده‌مه‌كی دایه‌ دوهی فه‌رماندارێ گشتی یێ دژه‌تیرۆرا ئیراقێ، ژ به‌ر پرسا بلندكرنا ئالایێ كوردستانێ ل سه‌ر باره‌گه‌هێن ئێكه‌تییا نشتیمانی سه‌ره‌دانا كه‌ركووكێ كربوو و مۆله‌تا 24 سه‌عه‌تان بۆ ئینانا خوار یا ئالایان دابوو ئێكه‌تییێ.
ئێكه‌تیێ ل هه‌فتییا بووری ئالایێ كوردستانێ ل باره‌گه‌هێن خوه‌ یێن كه‌ركووكێ بلند كر، هه‌ڤده‌م پارتی دیموكراتی كوردستان و پترییا ئالیێن دی بلندكرنا ئالای بێی چ رێككه‌فتنێن سیاسی و ئاسایكرنا كه‌ركووكێ، ب موزایده‌یا سیاسی ناڤكر.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.